ಮೂಢ ನಂಬಿಕೆ
ಬೆಕ್ಕು ಅಡ್ಡ ಹೋದರೆ ಏಕೆ
ನಿಲ್ಲುವೆ ನೀನು ತಮ್ಮಣ್ಣ|
ನರಿಯ ಮುಖವ ನೋಡಿದರೆ
ಒಳ್ಳೆಯದಾಯ್ತೆ ಕಣಣ್ಣ||೧||
ಮಾತಿನ ವೇಳೆ ಹಲ್ಲಿ ಲೊಚಗುಟ್ಟಲು
ತಾಳೆ ಹಾಕುವ ಜನರಲ್ಲಿ|
ಒಂದು ಸೀನಿಗೆ ಅಪಶಕುನವೆಂದರೆ
ಎರಡು ಸೀತರೆ ಶುಭವಲ್ಲಿ||೨||
ಬಾಲಗೆ ಬಲಗಣ್ಣು ಹಾರಿದರೆ
ಒಳ್ಳೆಯದೆನ್ನುವ ಈ ಜನರು|
ನಾರಿಗೆ ಬಲಕಣ್ಣು ಹಾರಲು
ಕೆಟ್ಟದ್ದಾಗುವದೆನ್ನುವರು||೩||
ಒಳ್ಳೆಯ ಕೆಲಸಕೆ ಹೋಗುವ ವೇಳೆ
ವಿಧವೆ ಎದುರಿಗೆ ಬರಬಾರದು|
ನೀರು ಹೊತ್ತವರು ಎದುರಲಿ ಬಂದರೆ
ಕಾರ್ಯಕೈಗೂಡುತೆಂಬರು||೪||
ಪಾಡ್ಯದ ದಿನದಲಿ ಒಳ್ಳೆಯದಾಗಲು
ರತ್ನಪಕ್ಷಿಯ ಹುಡುಕುವರು|
ಮುಂಗಲಿ ನೋಡಲು ಸಾಕು
ದಿನವಿಡಿ ಶುಭವೆನ್ನುವರು||೫||
ಕಾಗೆ ಹೊಕ್ಕಮನೆ ಹಾಳೆನ್ನುವರು
ಕಾಗೆಗೆ ಪಿಂಡವ ಕೊಡುವವರು ಇವರು|
ಗೂಗೆಯ ಕೂಗಿಗೆ ಸಾವನು ಎಣಿಸುವ
ಮೂರ್ಖರು ನಾವು ಮನುಜರು||೬||
ಹೊಟ್ಟೆಪಾಡಿಗೆ ಜ್ಯೋತಿಷ್ಯ ಹೇಳುವ
ಗಿಳಿಯ ಭವಿಷ್ಯ ನಂಬಬೇಕೆ?|
ಆಯವ್ಯಯಗಳ ಲೆಖ್ಖಗಳಲ್ಲೆ
ವಾಸ್ತುಶಾಸ್ತ್ರದ ಭಯವೇಕೆ?||೭||
ಮಾಟಮಂತ್ರ ತಂತ್ರಗಳೆಲ್ಲ
ದೆವ್ವಭೂತಗಳ ಬಿಟ್ಟು ಬಾ|
ಪವಾಡಗಳಾ ಹೆಸರಲಿ ನಡೆಯುವ
ಡೊಂಗಿಗಳ ಬಯಲಿಗೆ ತಾ||೮||
ಮೌಢ್ಯವ ಬಿಟ್ಟು ವಿಜ್ಞಾನವ
ಅರಿಯೋ ನೀನು ಅಣ್ಣಯ್ಯ |
ಮಂಗಳ ಲೋಕಕೆ ಕಾಲಿಟ್ಟರೂ
ಬುದ್ದಿಗೆ ಏನು ಮಂಕಯ್ಯ||೯||
*ರಚನೆ:ಡಾ.ಪ್ರಭು ಅ ಗಂಜಿಹಾಳ
ಮೊ:೯೪೪೮೭೭೫೩೪೬
ಸಾಲುಗಳು
- 19 views
ಲೇಖಕರು
ಸಿನಿಪ್ರಿಯ
ಬಾಗಲಕೋಟ ಜಿಲ್ಲೆ ಹುನಗು೦ದ ತಾಲೂಕ್ ಗುಡೂರು ಜನ್ಮಸ್ಥಳ.ತ೦ದೆ ಜಿ.ಎಸ್ .ಅನ್ನದಾನಿ ವಿಶ್ರಾ೦ತ ಬಿಡಿಓ.ಚುಟುಕು ಕವಿ,ಕತೆಗಾರರು.ನಾನು ಕವಿ,ಕತೆಗಾರ,ಸಿನೆಮಾ,ಟಿವಿ ಗ್]ಳಲ್ಲಿ ವಿವಿಧ ವಿಭಾಗಗಳಲ್ಲಿ ಕಾರ್ಯ ಮಾಡಿದ್ದೇನೆ.ಹಲವು ಪುಸ್ತಕಗಳು,ಹಾಡಿನ ಕ್ಯಾಸೆಟ್ ಗಳು ಬಿಡುಗಡೆಯಾಗಿವೆ..ಕನ್ನಡ ವ್ರುತ್ತಿರ೦ಗಭೂಮಿ ಮತ್ತು ಚಿತ್ರರ೦ಗ ಕುರಿತು ಕವಿವಿ ಇ೦ದ ೨೦೦೩ ರಲ್ಲಿ ಪಿ ಎಚ್ ಡಿ ಆಗಿದೆ.ಧಾರವಾಡ,ಚೆನ್ಯೆ ರೆಡಿಯೋ ಕೇ೦ದ್ರದಿ೦ದ ಸ್ವರಚಿತ ಕವಿತೆ ವಾಚನ,ಭಾಷಣ ಪ್ರಸಾರವಾಗಿವೆ,ಸಿನಿಮಾಗಳಿಗೆ ಸಹ ನಿರ್ದೇಶಕನಾಗಿ , ಕಲಾ ನಿರ್ದೇಶಕನಾಗಿ ಕಾರ್ಯ ನಿರ್ವಹಿಸಿದ್ದೇನೆ. ಕಸಾಪ ಆಜೀವ ಸದಸ್ಯ್,ರೋಣ ತಾಲೂಕ ಮಾಜಿ ಕಸಾಪ ಕಾರ್ಯದರ್ಶಿ.೨೦೧೩-೧೪ನೇ ಸಾಲಿಗೆ ಗದಗ ಜಿಲ್ಲಾ ಪದವಿ ಕಾಲೇಜ್ ಕನ್ನಡ ಅಧ್ಯಾಪಕರ ಪರಿಷತ್ ಉಪಾಧ್ಯಕ್ಷ 2014-15,ಗದಗ ಜಿಲ್ಲಾ ಕನಾ೯ಟಕ ಜಾನಪದ ಪರಿಷತ್ತು ಕಾಯ೯ದಶಿ೯ 2014-15,ಗದಗ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಗೌರವ ಕಾರ್ಯದರ್ಶಿಗಳು-೨೦೧೪,ರೋಟರಿ ಗದಗ ಸೆಂಟ್ರಲ್ ಸದಸ್ಯ್, ಕವಿವಿ ಧಾರವಾಡ ಪದವಿ ಮಹಾವಿದ್ಯಾಲಯಗಳ ಕನ್ನಡ ಅಧ್ಯಾಪಕರ ಪರಿಷತ್ ಸಹಕಾರ್ಯದರ್ಶಿ ೨೦೧೬. ರಾಜ್ಯ-ಹೊರರಾಜ್ಯ್ಗಗ ಳಲ್ಲಿ ಹಲವಾರು ಮಿತ್ರರಿದ್ದಾರೆ.
ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ