Skip to main content

The great chess and the chess master!

ಬರೆದಿದ್ದುApril 26, 2015
noಅನಿಸಿಕೆ

THE GREAT CHESS!!
೦೦೦೦೦೦೦೦೦೦
ಜಗದ ಜನದ ಕಣ್ಣ ತೆರೆದು,
ಕಸವ ಗುಡಿಸಿ ಒರಸಲು
ನಾಡ ಸ್ವಚ್ಛಗೊಳಿಸಲು
ಗಿಡವ ನೆಟ್ಟು ಬೆಳೆಸಲು
ಒಂದು ಕೂಡಿ ಬನ್ನಿರೆಲ್ಲ
ಚಟ್ಟಿ ಬುಟ್ಟಿ ತನ್ನಿರಿ..
ನವ ಚೇತನ, ಹದಿಹರೆಯವ
ಮತ್ತೆ ಇಳೆಗೆ ತುಂಬಲು
ವನಮಾತೆಯ ಸಿಂಗಾರಕೆ
ಹೊಸದು ಹೂವ ಮುಡಿಸಲು
ಒಂದುಗೂಡಿ ಬನ್ನಿರೆಲ್ಲ ಚಟ್ಟಿ
ಬುಟ್ಟಿ ತನ್ನಿರಿ
ಎದೆಹಿಂಡುವ ವಿಷಗಾಳಿಯ
ನಂಟು ದೂರವಾಗಲಿ
ನವಪೀಳಿಗೆ ಒಡಲು ತುಂಬ
ಪ್ರಾಣವಾಯು ಪಡೆಯಲಿ
ಒಂದುಗೂಡಿ ಬನ್ನಿರಣ್ಣ
ಗಿಡವ ನೆಟ್ಟು ಬೆಳೆಸುವ
ಭಗವಂತನ ಚದುರಂಗಕೆ
ಕರಿ ಪದಾತಿ ಮರಗಳು
ಭೂದೇವಿಯ ಸಂಗೀತದ
ಶ್ರುತಿಗೆ ತಂತಿ ಮರಗಳು
ಭಕ್ತಿಯಿಂದ ಬೆಳೆಸಿರದನು ಫಲವ ಕೊಡುವುದನುಕ್ಷಣ.
ಕವನ ಓದಿ ಹೊಗಳಲೆಂದು
ಬರೆದುದಲ್ಲ ಸ್ನೇಹಿತ:
ಒಂದು ಗಿಡವ ನೆಟ್ಟು ಬೆಳೆಸು,
ನಿನ್ನ ಬಾಳಿಗದು ಹಿತ

ಲೇಖಕರು

JAYARAM NAVAGRAMA

ಮ್ಯಾಂವ್sss

ನಾನು ಮೂಡಬಿದ್ರಿ ಸಮೀಪದ ಪುಚ್ಚಮೊಗರಿನಲ್ಲಿ 1966 ರಿಂದ 1968 ಈ ಇಸವಿಯ ಮಧ್ಯೆ ಜನಿಸಿರುವ ಬಗ್ಗೆ ದಟ್ಟ ವದಂತಿ ಇದೆ!
ನನ್ನ ತಂದೆ ಮತ್ತು ತಾಯಿ ಇಬ್ಬರೂ ಬಿಲ್ಲವರು.
ನನಗೆ ಈಗ ಸುಮಾರು 48 ವರ್ಷ ಆಗಿರಬಹುದು.
ಒಂದನೇ ತರಗತಿಯಿಂದ 7ನೇ ತರಗತಿ ತನಕ ನಮ್ಮ ಪುಚ್ಚಮೊಗರು ಗ್ರಾಮದ ನಿತ್ಯಾನಂದ ಎಯ್ಡೆಡ್ ಎಲಿಮೆಂಟರಿ ಶಾಲೆ
8 ಮತ್ತು 9ನೇ ತರಗತಿಯನ್ನು ಸರಕಾರಿ ಪ್ರೌಢಶಾಲೆ ಕೊನ್ನೆಪದವು. ಇಲ್ಲಿ ಕಲಿತೆನು.
ನಾನು ಎಂಟನೇ ತರಗತಿಯಲ್ಲಿರುವಾಗ ಶ್ರೀಮತಿ ಇಂದಿರಾ ಗಾಂಧಿಯವರ ಕೊಲೆ ಆಯಿತು. ಆಗ ಚಿತ್ರದುರ್ಗದ ಸುಜಾತ ಟೀಚರ್ ಬಾಯ್ತುಂಬಾ ಅತ್ತಿದ್ದರು.
ಹತ್ತು ವರುಷಗಳ ಕೆಳಗೆ ನನ್ನ ಊರನ್ನು ತ್ಯಜಿಸಿ
ಸತಿಸುತರ ಪ್ರೀತ್ಯರ್ಥಂ ನವಗ್ರಾಮಾಗಮನ ಮಾಡಿ
ನಾಯಿಯಂತೆ ವರ್ಕ್ ಮಾಡುತ್ತಾ ಜಾಯಿಂಟ್ ಪೆಯಿನ್ ಬ್ಯಾಕ್ ಪೆಯಿನ್ ಸ್ಕಿನ್ ಪ್ರಾಬ್ಲೆಮ್ ಇತ್ಯಾದಿ ಪ್ರಶಸ್ತಿ ಪಡೆಯುತ್ತಾ
ಫೇಸ್ಬುಕ್ ವಿಸ್ಮಯನಗರಿ ಗಳಲ್ಲಿ ಮಿಂಚುತ್ತಾ ಅಥವಾ ಹಾಗೆಂದು ಭ್ರಮಿಸುತ್ತಾ!
ಶ್ರೀಯುತ ಮೋಧೀಜಿಯವರ ಆಡಳಿತ ವೈಖರಿ ಏನೆಂದು ಅರಿಯಲಾರದೆ ಅರ್ಥೈಸಲಾರದೆ ಅಚ್ಚರಿಯಿಂದ ಮೂಗಿನ ಮೇಲೆ ಬೆರಳಿಟ್ಟುಕೊಂಡು ...
ತುಂಬಾ ದಿನದಿಂದ ಆಲೋಚಿಸುತ್ತಾ ಇರುವ ಕನ್ನಡದ ಕಂದ ನಾನು.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.