Skip to main content

ಪುಟ್ಟು

ಬರೆದಿದ್ದುApril 24, 2015
noಅನಿಸಿಕೆ

ಪುಟ್ಟು ನನ್ನವನು
ನನ್ನ ಸ್ನೇಹಿತನು
ನನ್ನಾಪ್ತ ಬಂಧು
ನೆಮ್ಮದಿಯ ಬಿಂದು
ಮುದ್ದಾದ ಬಿಳಿಮೊಗದ
ಶುದ್ಧ ತರಲೆಯು ಅವನು
ಜಿಗಿಯುವನು ನೆಗೆಯುವನು
ಕಣ್ಣಲ್ಲೆ ನಗುವನು.
ಬೇಕಿಲ್ಲ ಬ್ಯಾಟು
ಧರಿಸಲ್ಲ ಪ್ಯಾಂಟು
ಸುತ್ತಲಿನ ಕಸಕಡ್ಡಿ
ಅವನ ಪರಿಕರವು.
ಮರವೇರಿ ಆಡುವನು
ಮರಕೋತಿಯಲ್ಲ
ನೆಲದಗಲ ಓಡುವನು
ಅದಕು ಹೆಸರಿಲ್ಲ.
ಹಲ್ಲು ಉಜ್ಜುವುದಿಲ್ಲ
ಸ್ನಾನ ಮಾಡುವುದಿಲ್ಲ
ಸೇಬು ತಿನ್ನುವುದಿಲ್ಲ
ಹಸಿಮೀನು ಕಳ್ಳಾ.
ಹಲ್ಲು ಬಾಧಿಸಲಿಲ್ಲ
ನೆಗಡಿ ಸೋಲಿಸಲಿಲ್ಲ
ಈ ತನಕ ಅವನಿಗೆ ತಲೆನೋವು ಬಂದಿಲ್ಲ.
ಆಸ್ತಿ ಬಯಸುವುದಿಲ್ಲ
ದುಡ್ಡು ಕೂಡಿಡಲಿಲ್ಲ
ನಾಳೆಗು ಬೇಕೆಂಬ ಅತಿಯಾಸೆ ಇಲ್ಲ.
ಅನ್ನವನು ಉಣ್ಣುವನು
ಹಾಲ್ಕುಡಿದು ನಲಿಯುವನು
ಹಸಿಮೀನು ಕಂಡಾಗ 'ಮಿಯ್ಯಾಂವ್' ಎನ್ನುವನು.

ಲೇಖಕರು

JAYARAM NAVAGRAMA

ಮ್ಯಾಂವ್sss

ನಾನು ಮೂಡಬಿದ್ರಿ ಸಮೀಪದ ಪುಚ್ಚಮೊಗರಿನಲ್ಲಿ 1966 ರಿಂದ 1968 ಈ ಇಸವಿಯ ಮಧ್ಯೆ ಜನಿಸಿರುವ ಬಗ್ಗೆ ದಟ್ಟ ವದಂತಿ ಇದೆ!
ನನ್ನ ತಂದೆ ಮತ್ತು ತಾಯಿ ಇಬ್ಬರೂ ಬಿಲ್ಲವರು.
ನನಗೆ ಈಗ ಸುಮಾರು 48 ವರ್ಷ ಆಗಿರಬಹುದು.
ಒಂದನೇ ತರಗತಿಯಿಂದ 7ನೇ ತರಗತಿ ತನಕ ನಮ್ಮ ಪುಚ್ಚಮೊಗರು ಗ್ರಾಮದ ನಿತ್ಯಾನಂದ ಎಯ್ಡೆಡ್ ಎಲಿಮೆಂಟರಿ ಶಾಲೆ
8 ಮತ್ತು 9ನೇ ತರಗತಿಯನ್ನು ಸರಕಾರಿ ಪ್ರೌಢಶಾಲೆ ಕೊನ್ನೆಪದವು. ಇಲ್ಲಿ ಕಲಿತೆನು.
ನಾನು ಎಂಟನೇ ತರಗತಿಯಲ್ಲಿರುವಾಗ ಶ್ರೀಮತಿ ಇಂದಿರಾ ಗಾಂಧಿಯವರ ಕೊಲೆ ಆಯಿತು. ಆಗ ಚಿತ್ರದುರ್ಗದ ಸುಜಾತ ಟೀಚರ್ ಬಾಯ್ತುಂಬಾ ಅತ್ತಿದ್ದರು.
ಹತ್ತು ವರುಷಗಳ ಕೆಳಗೆ ನನ್ನ ಊರನ್ನು ತ್ಯಜಿಸಿ
ಸತಿಸುತರ ಪ್ರೀತ್ಯರ್ಥಂ ನವಗ್ರಾಮಾಗಮನ ಮಾಡಿ
ನಾಯಿಯಂತೆ ವರ್ಕ್ ಮಾಡುತ್ತಾ ಜಾಯಿಂಟ್ ಪೆಯಿನ್ ಬ್ಯಾಕ್ ಪೆಯಿನ್ ಸ್ಕಿನ್ ಪ್ರಾಬ್ಲೆಮ್ ಇತ್ಯಾದಿ ಪ್ರಶಸ್ತಿ ಪಡೆಯುತ್ತಾ
ಫೇಸ್ಬುಕ್ ವಿಸ್ಮಯನಗರಿ ಗಳಲ್ಲಿ ಮಿಂಚುತ್ತಾ ಅಥವಾ ಹಾಗೆಂದು ಭ್ರಮಿಸುತ್ತಾ!
ಶ್ರೀಯುತ ಮೋಧೀಜಿಯವರ ಆಡಳಿತ ವೈಖರಿ ಏನೆಂದು ಅರಿಯಲಾರದೆ ಅರ್ಥೈಸಲಾರದೆ ಅಚ್ಚರಿಯಿಂದ ಮೂಗಿನ ಮೇಲೆ ಬೆರಳಿಟ್ಟುಕೊಂಡು ...
ತುಂಬಾ ದಿನದಿಂದ ಆಲೋಚಿಸುತ್ತಾ ಇರುವ ಕನ್ನಡದ ಕಂದ ನಾನು.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.