ಸಾಧನೆಯ ಹಾದಿಯಲಿ...

ಶೂನ್ಯದಿಂದ ಅನಂತದೆಡೆಗೆ ,

ಧರೆಯಿಂದ ದಿಗಂತದೆಡೆಗೆ ,

ಹಾದಿ ನೂರು , ಬಾಳು ಚೂರು (ಸ್ವಲ್ಪ) !

ನಡುವೆ ಕಲಿಯಬೇಕಾದ್ದು ಸಾವಿರಾರು !!

ಮೇಲೇರುತ್ತಿದ್ದಂತೆ ಅದೆಷ್ಟೋ ತಿರುವು ,

ಲೆಕ್ಕಿಸದೆ ಮುನ್ನಡೆ ಮೈ-ಮನದ ದಣಿವು ;

ಬೆಲ್ಲದ ಸಿಹಿಯೊಡನೆ ಸವಿಯಬೇಕು ಬೇವು ,

ಎದುರಿಸಬೇಕಾಗುವುದು ಸಾಲು-ಸಾಲು ನೋವು !

ಮುನ್ನುಗ್ಗುತಿರೆ , ಹಿಂದೆಳೆಯುವವು ಹಲವು ಕೈಗಳು ,

ತುಳಿದುಬಿಡುವವು ಬಹುಪಾಲು ಕಾಲ್ಗಳು..

ಗುರಿ ಸೇರಿಸುವುದೊಂದೇ - ನಮ್ಮೀ ಛಲವು ,

ಸಾಧನೆಯ ಹಾದಿಯಲಿ ನಮ್ಮದೇ ಗೆಲುವು !!!