ಎಲ್ಲೋ ಎಡವಿದೆ..!!

ನೋವು-ನಲಿವಿನ ಗುಣಾಕಾರ

ಭಾಗಾಕಾರಗಳ ಅನಂತ ಗಣಿತದ ಸ್ತರ

-ದಲ್ಲಿ ಎಲ್ಲೋ ತಪ್ಪಿಹೋಗಿದೆ!!

ನೋವು ಗುಣಾಕಾರವಾಗಿದೆ!?

 ನಲಿವು ಭಾಗಾಕಾರವಾಗಿದೆ?!

ಚಿಂತೆ ಸಂಕಲನವಾದರೆ,ಮನಸ್ಸೇ ವ್ಯವಕಲನ!!

ಬಹುಶಃ ಈ ಲೆಕ್ಕಾಚಾರವೇ ಗೋಜಲುಗೊಂಡಿದೆ॥

ಮಾಡಿದ್ದೇ ಒಂದು  ಉತ್ತರವೇ ಶೂನ್ಯ!

ನನ್ನ  ಉತ್ತರಗಳಿಗೂ ಈ ಉತ್ತರಗಳಿಗೂ ಹೋಲಿಕೆಯೇ ಮೌನ!!

ಒಂದು ಸ್ವಲ್ಪ ಹೊತ್ತು ಮನಮನದೊಳಗೆ ಮಮ್ಮಲಧ್ಯಾನ॥

ಕೇಳಲೆಂತು ಹೇಳಲೆಂತು??

ಯಾವ ಲೆಕ್ಕ ಮಾಸ್ತರರ ಬಳಿ ಹೋಗಲಿ..

ಉತ್ತರ ತಪ್ಪೆಂದು??

ಹೇಗೆ ಕಲಿಯಲಿ ಈ ಗಣಿತವ ಆದಶ್ಟು ಬೇಗ!?

ಸಾಬೀತು ಪಡಿಸಲು ಲೆಕ್ಕ ಸರಿಯೆಂದು!!