ಓ..... ಪ್ರೇಯಸೀ..!
ಮಿತ್ರರೇ ಈ ಕವನವನ್ನು ಸುಮಾರು ೩೨ ವರ್ಷಗಳ ಹಿಂದೆ ನಾನು ಎರಡನೇ ವರ್ಷದ ಪದವಿಯಲ್ಲಿದ್ದಾಗ ರಚಿಸಿದ್ದು. ಆದರೆ ಎಲ್ಲೂ ಪ್ರಕಟಿಸಿರಲಿಲ್ಲ. ಇಂದು ಇಲ್ಲಿ ಎಲ್ಲರೊಂದಿಗೆ ಹಂಚಿಕೊಳ್ಳಲು ಪ್ರಸ್ತುತ ಪಡಿಸಿದ್ದೇನೆ.
*******************************************
ಸಂಜೆ ಮಬ್ಬಿನಾ ಮಳೆಯಲೀ ನೆನೆದು
ಬರುತಿರಲು ನಾನು ರಸ್ತೆಯಲಿ ಅಂದು
ಕಂಡೆನಾನೋರ್ವ ತರುಣಿಯನು
ರಸ್ತೆಪಕ್ಕದಾ ಮರದಡಿಯಲಿ
ಮಳೆಯಲಿ ನೆನೆದಾ ಭಂಗಿಯಲಿ.
ನಾಹೋದೆ ಆಶ್ರಯಕೆ ಮರದೆಡೆಗೆ
ನೋಡಿದಳಾ ತರುಣಿ ನನ್ನಡಿಯಿಂದ ಮುಡಿಗೆ
ಅಂದಚೆಂದದ ಅವಳಂಗಾಂಗಗಳ ನೋಡಿ
ಮನದೊಳು ಬಂದವು ನೂರಾಸೆಗಳು ಮೂಡಿ
ಬಿಳಿಯುಡುಪಿನಾ ಬಾಲೆ ಕಣ್ಸನ್ನೆ ಮಾಡೆ
ಅವಳಿಂದೆಹಿಂದೆ ನಾನಡೆದು ಹೋದೆ
ಕರೆದೊಯ್ದಳಾಕೆ ದೂರದಾ ಮುರುಕು ಮಂಟಪಕೆ
ಎನ್ನಯಾ ಮನದಾಸೆ ಪೂರೈಸುವುದಕೆ
ಇನ್ನೇನು ಸ್ವರ್ಗ ಮೂರಿಂಚು ಎನಿಸಿ
ಕೈಯ್ಯಲೀ ಕೈಯ್ಯಿರಿಸಿ ಹೇಳ್ದೆ - ನೀನೇ ನನ್ನ ಪ್ರೇಯಸಿ.
ತಣ್ಣನೆಯ ಸುಳಿಗಾಳಿ ಆರ್ಭಟಿಸಿ ಬಂದು
ಸಿಡಿಲಿನಾ ಹೊಡೆತಕ್ಕೆ ಮಂಟಪವು ಬಿದ್ದು
ಹೆದರಿ ಎದ್ದು ನಿಂತೆ ಕನಸಿನಾ ತೆರೆ ಸರಿಸಿ
ಮಾಯವಾಗಿದ್ದಳು ನನ್ನಾ ಪ್ರೇಯಸಿ
ನಿರಾಸೆಯಾ ಛಾಯೆ ನನ್ನನಾವರಿಸಿ
ಜೋರಾಗಿ ಕೂಗಿ ಹೇಳ್ದೆ - ಓ ಪ್ರೇಯಸೀ
ದೂರಾದೆಯೇಕೆ ನೀ ನನ್ನಾಸೆಯಾ ಸವಿ ರೂಪಸಿ…!
ಸಾಲುಗಳು
- 221 views
ಲೇಖಕರು
ನಾವಿರೋದೇ ಹೀಗೆ...!
ನಾನು ಹುಟ್ಟು ಕನ್ನಡಿಗ ಓದಿ ಬೆಳೆದಿದ್ದು ಬೆಂಗಳೂರಿನಿಂದ ಮೈಸೂರಿನವರೆಗೂ ವಿವಿಧ ಊರುಗಳಲ್ಲಿ. ವೃತ್ತಿಗಾಗಿ ಅಲೆದದ್ದು ಬೆಂಗಳೂರಿನಿಂದ ಕೊಡಗಿನವರೆಗೆ ನಂತರ ರಾಷ್ಟ್ರದ ರಾಜಧಾನಿ ದೆಹಲಿ ಹಾಗೊ ಅದರ ಸುತ್ತಲಿನ ಹರ್ಯಾಣಾ ಗಳಲ್ಲಿ ೨೧ ವರ್ಷ ಸೇವೆ ಸಲ್ಲಿಸಿ ಮತ್ತೆ ತಾಯ್ನಾಡಿನ ರಾಜಧಾನಿ ಬೆಂಗಳೂರಿಗೆ ಬಂದು ನೆಲೆಸಿರುವೆ. ಆದರೂ ಕನ್ನಡ ಮರೆತಿಲ್ಲ ಮರೆಯುವಂತಿಲ್ಲ. ಕನ್ನಡದ ಯಾವುದೇ ಲೇಖನ ಕಥೆ ಕವಿತೆ ಇತ್ಯಾದಿ ಓದುವುದು ಹಿಂದಿನ ಅಭ್ಯಾಸ. ಸಮಯ ಸಿಕ್ಕಾಗ ಏನಾದರೂ ಚಿಕ್ಕ ಪುಟ್ಟದ್ದು ಬರೆವುದು ಇತ್ತೀಚಿಗೆ ಬೆಳೆಸಿಕೊಂಡ ಹವ್ಯಾಸ ಹಾಗಾಗಿ ಈ ವಿಸ್ಮಯನಗರಿಗೆ ಪ್ರವೇಶ...!
ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ