ನೀರು

ನೀರು

ಪ್ರತಿನಿತ್ಯ ಕನಿಷ್ಠ ೮ ಲೋಟಗಳಷ್ಟು ನೀರನ್ನು ಕುಡಿಯಬೇಕು.
ಇದರಿಂದ ಅನೇಕ ರೋಗಗಳು ಬರುವುದಿಲ್ಲ.
ಜೀರ್ಣಕ್ರಿಯೆ ಚೆನ್ನಾಗಿ ಆಗುವುದು.
ರಕ್ತ ಪರಿಚಲನೆ ಸರಾಗವಾಗುವುದು.
ಮುಖ್ಯವಾಗಿ ಮಲಬದ್ಧತೆ ಉಂಟಾಗುವುದಿಲ್ಲ.
ಚರ್ಮ ಕಾಂತಿಯುಕ್ತವಾಗುತ್ತದೆ.
ಹೀಗೇ ಹೇಳುತ್ತಾ ಹೋದರೆ ಲಾಭಗಳನೇಕ.
ಈಗಾಗಲೇ ಈ ಅಭ್ಯಾಸವನ್ನು ಹೊಂದಿದ್ದಲ್ಲಿ ಬಹಳ ಸಂತೋಷ.
ಒಂದು ವೇಳೆ ಹೊಂದಿಲ್ಲದಿದ್ದಲ್ಲಿ ಇಂದಿನಿಂದಲೇ ಆರಂಭಿಸುವುದೊಳಿತು. ನಿಧಾನಿಸಿದಷ್ಟೂ ಅಪಾಯ ಕಟ್ಟಿಟ್ಟ ಬುತ್ತಿ. "ನಾಳೆಯಿಂದಲೇ ಆರಂಭಿಸಿಬಿಡುತ್ತೇನೆ" ಎಂಬ ಮಾತಿಗಿಂತ ಇಂದಿನಿಂದಲೇ ಅದರಲ್ಲೂ ಈಗಿನಿಂದಲೇ ಆರಂಭಿಸುವುದೊಳಿತಲ್ಲವೇ?
'ನೀರು ಕುಡಿದಷ್ಟು ಸುಲಭ' ಎಂದು ಹೇಳಿದಷ್ಟು ಸುಲಭವಲ್ಲ ಪ್ರತಿನಿತ್ಯ ೮ ಲೋಟಗಳ ನೀರು ಸೇವನೆ ಕೆಲವರ ಪಾಲಿಗೆ....
'ನಮ್ಮ ಆರೋಗ್ಯ ಮತ್ತಾರ ಕೈಯಲ್ಲೋ ಅಲ್ಲ; ಸ್ವತಃ ನಮ್ಮ ನಮ್ಮ ಕೈಯಲ್ಲಿಯೇ ಇದೆ' ಎಂಬ ಸತ್ಯವನ್ನು ಅರಿತು ಮರೆಯದೆ ಪಾಲಿಸಿದರಾಯಿತು. ಆರೋಗ್ಯ ನಿಯಮವನ್ನು ಪಾಲಿಸಿದ್ದೇ ಆದಲ್ಲಿ ಆ ಆರೋಗ್ಯ ನಮ್ಮ ಕೈ ತಪ್ಪಿ ಎಲ್ಲಿಗೆ ತಾನೇ ಓಡಿಹೋಗಲು ಸಾಧ್ಯ? ಅದಕ್ಕೇನು ಕಾಲುಗಳಿವೆಯೇ?