ಮದುವೆಗೆ ಸಲಹೆ ಬೇಕು ಸಾರ್ .!!

ಹಾಯ್ ಶ್ರೀನಿವಾಸ್ ಅವರೇ,
ಮೊದಲು ನಿಮಗೆ ಹಾರ್ದಿಕ ಅಭಿನಂದನೆಗಳು. ಅಂತೂ ಗೃಹಸ್ಥಾಶ್ರಮಕ್ಕೆ ಕಾಲಿಡುತ್ತಿದ್ದೀರಾ.  ನಿಮ್ಮ ಪಟ್ಟಿಯಲ್ಲಿ ನನಗೆ ಇಷ್ಟವಾದ ಕಾರ್ಯಕ್ರಮ ಎಂದರೆ ನಮ್ಮ ಮಣ್ಣಿನ ನೃತ್ಯ. ಪುಸ್ತಕ ಅದನ್ನು ಓದುವ ಮತ್ತು ಸಸಿಯನ್ನು ಆರೈಕೆ ಮಾಡುವವರ ಕೈಗೆ ಕೊಡುವದು ಉತ್ತಮ.
ಅಷ್ಟು ವರ್ಷದಿಂದ ಕನಸು ಕಾಣುತ್ತಿದ್ದೇನೆ ಅನ್ನುತ್ತಿದ್ದೀರಾ ಇನ್ನು ಸಾಧಕ ಬಾಧಕದ ವಿಚಾರ ಯಾಕೆ. ಕನಸನ್ನು ಕಾರ್ಯರೂಪಕ್ಕೆ ತನ್ನಿ. :) 
ಎಲ್ಲವೂ ಶುಭವಾಗಲಿ.

ಶ್ರೀನಿವಾಸ್ ಸರ್ ಮೊದಲಿಗೆ ನಿಮಗೆ ನನ್ನ ಹಾರ್ದಿಕ ಅಭಿನಂದನೆಗಳು, ಹಾಗು ನಿಮ್ಮ ವೈವಾಹಿಕ ದಾಂಪತ್ಯ ಜೀವನ ಸುಖಮಯವಾಗಿರಲೆಂದು ಹಾರೈಸುತ್ತೇನೆ. ನೀವು ಹಮ್ಮಿಕೊಂಡಿರುವ ಕಾರ್ಯಕ್ರಮಗಳು ನಿಮ್ಮ ವಿವಾಹದ ದಿನವನ್ನು ಖಂಡಿತಾ ಸದಾನೆನಪಿನಲ್ಲಿಡುವಂತೆ ಮಾಡುವುದರಲ್ಲಿ ಸಂಶಯವಿಲ್ಲ ಎನ್ನುವುದು ನನ್ನ ಭಾವನೆ, ಹಾಗಾಗಿ ನಿಮ್ಮ ಕನಸನ್ನು ನನಸುಮಾಡಿಕೊಳ್ಳುವುದರಲ್ಲಿ ಸಾರ್ಥಕತೆ ಇದೆಯೆನಿಸುತ್ತದೆ. :) ;)

ಶ್ರೀನಿವಾಸ್ ಸರ್ ಮೊದಲಿಗೆ ನಿಮಗೆ ನನ್ನ ಹಾರ್ದಿಕ ಅಭಿನಂದನೆಗಳು, ಹಾಗು ನಿಮ್ಮ ವೈವಾಹಿಕ ದಾಂಪತ್ಯ ಜೀವನ ಸುಖಮಯವಾಗಿರಲೆಂದು ಹಾರೈಸುತ್ತೇನೆ. ನೀವು ಹಮ್ಮಿಕೊಂಡಿರುವ ಕಾರ್ಯಕ್ರಮಗಳು ನಿಮ್ಮ ವಿವಾಹದ ದಿನವನ್ನು ಖಂಡಿತಾ ಸದಾನೆನಪಿನಲ್ಲಿಡುವಂತೆ ಮಾಡುವುದರಲ್ಲಿ ಸಂಶಯವಿಲ್ಲ ಎನ್ನುವುದು ನನ್ನ ಭಾವನೆ, ಹಾಗಾಗಿ ನಿಮ್ಮ ಕನಸನ್ನು ನನಸುಮಾಡಿಕೊಳ್ಳುವುದರಲ್ಲಿ ಸಾರ್ಥಕತೆ ಇದೆಯೆನಿಸುತ್ತದೆ. :) ;)

ಒಂದು ರೀತಿಯಲ್ಲಿ ನೋಡಿದರೆ ಇದು ಸರಳ ಮದುವೆಯ ಹೆಸರಿನಲ್ಲಿ ನಡೆಯುವ, ಪಡೆದುಕೊಳ್ಳುವ ಪ್ರಚಾರದ ಮದುವೆ. ಆದರೂ ಆ ಪ್ರಚಾರದಲ್ಲಾದರೂ ಒಂದು ಸಂದೇಶ ರವಾನೆಯಾಗುತ್ತಿದೆ. ಕೆಲ ವರ್ಷಗಳ ಹಿಂದೆ ಮರದಡಿಯಲ್ಲಿ ಮಂಗಳೂರಿನ ವಕೀಲ ಉಳೇಪಾಡಿ ಎಂಬವರು ಮದುವೆಯಾಗಿದ್ದರು.
ನಿಮ್ಮ ವಿಚಾರವನ್ನೇ ನನ್ನ ದೃಷ್ಟಿಕೋನದಲ್ಲಿ ಹೇಳುವುದಾದರೆ ಪುಸ್ತಕ ಮತ್ತು ಸಸಿ ವಿತರಣೆಗಿಂತ ರಕ್ತದಾನ ಶಿಬಿರ ಹೆಚ್ಚು ಫಲಪ್ರದ. ಆರ್ಕೆಷ್ಟ್ರಾದ ಬದಲು ಏರ್ಪಡಿಸುವ ಡೊಳ್ಳು ಕುಣಿತ ಮತ್ತು ವೀರಗಾಸೆಯೂ ಉತ್ತಮವಾದದ್ದೆ.
ಪುಸ್ತಕ ಪ್ರೀತಿ ಮೂಡಿಸಲು ಉಚಿತ ಪುಸ್ತಕ ವಿತರಣೆ ಸಹಾಯವಾಗಬಹುದು ಎಂದು ನನಗನ್ನಿಸುತ್ತಿಲ್ಲ.
ಇದೆಲ್ಲಕ್ಕಿಂತ ನೀವೊಂದು ಸರಳ ಮದುವೆಯನ್ನು ಮಾಡಿಕೊಂಡರೆ, ಅದ್ಧೂರಿತನವಿಲ್ಲದೆ ಮದುವೆಯಾದರೆ ಸಮಾಜಕ್ಕೊಂದು ಮಾದರಿಯಾಗಬಹುದು, ಏನಂತೀರಿ?
(ನಾನು ಮಾಡಿರುವುದು ಟೀಕೆ ಎಂದು ಪರಿಗಣಿಸಬೇಕಾಗಿಲ್ಲ)

 ಶ್ರಿನಿವಾಸ್‌ರವರೆ ನಿಮ್ಮ ಮದವೆ ಸಂಭ್ರಮದ ೪ ಅಂಶಗಳನ್ನು ಅದರಲ್ಲಿ, ಮೂರನೆ ಅಂಶ ನನಗೆ ಸರಿ ಎನಿಸಲಿಲ್ಲ. ವಿಶ್ವದ ಜನ ಸಂಖ್ಯೆ ಮಿತಿಮೀರಿ ಸ್ಫೋಟಕವಾಗಿ ಬೆಳೆಯುತ್ತಿದೆ.  ೧೯೪೭ ರಲ್ಲಿ ಇದ್ದ ಭಾರತದ ಜನಸಂಖ್ಯೆ ೨೩ ಕೋಟಿ, ಈಗ ಅದು ೧೨೩ ಕೋಟಿ. ರಕ್ತದಾನ, ಮೂತ್ರಪಿಂಡದಾನ, ಪಿತ್ತಜನಾಂಗದಾನ ಇತ್ಯಾದಿ ಯಾಕೆ? ಇದರ ಬದಲು ಅಂದರೆ ನಿಮ್ಮ ೩ ಅಂಶಕ್ಕೆ ಪರ್ಯಾಯವಾಗಿ ಜನಸಂಖ್ಯೆ ನಿಯಂತ್ರಣಕ್ಕೆ ಸಂಬಂಧಿಸಿದ ಲೇಖನಗಳನ್ನು ಹಂಚಿ. ನಾನು ಹೇಳುತ್ತಿರುವುದು ಬಹು ಮಂದಿಗೆ ಅಪತ್ಯ ಅನಿಸಬಹುದು, ಆದರೆ ಮುಂದಿನ ಪೀಳಿಗೆಯವರಿಗೆ ಬಿಟ್ಟು ಹೋಗುತ್ತಿರುವುದು ಏನನ್ನು? ರಕ್ತದಾನ, ಮೂತ್ರಪಿಂಡದಾನ, ಪಿತ್ತಜನಾಂಗದಾನ ಇತ್ಯಾದಿಗಳನ್ನಲ್ಲ. ಮುಂದಿನ ಪೀಳಿಗೆ ಬದುಕುಳಿಯಬೇಕಾದ ನಿಸರ್ಗವನ್ನು ಹಾಗೂ ಪ್ರಕೃತಿಯನ್ನು- ನಿಮಗೆ ನಿಮ್ಮ ವಿವಾಹದ ಶುಭಾshaayaಗಳು. ನನ್ನ ಅನಿಸಿಕೆ ಅಪತ್ಯವೆನಿಸಿದರೆ ಮನ್ನಿಸಿ.

ಶ್ರೀನಿವಾಸ್ ರವರೇ ನಿಮಗೆ ಶುಭಾಷಯಗಳು.

ಸುಮ್ನೇ ಒಂದು ಕತೆ...
ಒಂದ್ಸರ್ತಿ ಒಂದೂರಿಂದ ಅಪ್ಪ ಮಗ ಇಬ್ರೂ ಒಂದು ಕುದ್ರೆ ಮರಿ ಕೊಂಡ್ಕೊಳ್ಳೋಣ ಅಂತಾ ಪೇಟೆಗೆ ಬರ್ತಾರೆ. ಒಂದೊಳ್ಳೆ ಕುದ್ರೆ ಮರಿ ಖರೀದಿ ಮಾಡ್ಕಂಡು ಅಪ್ಪ ಮಗನ್ನ ಅದರ ಮೇಲೆ ಕೂರಿಸ್ಕೊಂಡು ನಡೆಸಿಕೊಂಡು ವಾಪಸ್ಸು ಊರಿಗೆ ಹೋಗ್ತಾ ಇರ್ತಾನೆ. ನಡುದಾರಿಯಲ್ಲಿ ಸಿಕ್ಕ ಮೊದಲ್ನೇ ಊರೋವ್ರು ಇವ್ರಿಬ್ರನ್ನ ನೋಡಿ ಆಡ್ಕೋತಾರೆ 'ಏನ್ ಗಡವನಂತಾ ಮಗಾ ನೋಡು, ವಯಸ್ಸಾಗಿರೋ ಅಪ್ಪನ್ನ ನಡೆಸ್ಕೊಂಡು ತಾನು ಜಮ್ಮಂತಾ ಕುದ್ರೆ ಸವಾರಿ ಮಾಡ್ಕಂಡ್ ಬರ್ತಾ ಅವ್ನೆ" ಜನರ ಮಾತುಕೇಳಿ ನಾಚಿಕೆಯಿಂದ ಮಗ ಕುದ್ರೆ ಇಳ್ದು ಅಪ್ಪನ್ನ ಕೂರಿಸ್ಕಂಡು ಮುಂದೆ ಹೋಗ್ತಾನೆ. ಮುಂದಿನೂರಲ್ಲಿ ಇವ್ರುನ್ನ ನೋಡಿದ ಜನ, "ಯಪ್ಪಾ, ಈ ಉರಿ ಬಿಸಿಲ್ನಾಗೆ ಆ ಎಳೇ ಮಗೀನ್ ನಡೆಸ್ಕಂಡು ತಾನ್ ಮಾತ್ರ ಜಮ್ಮಂತಾ ಕುದ್ರೆ ಸವಾರಿ ಮಾಡ್ಕಂಡ್ ಬರ್ತಾ ಅವ್ನೆ, ಅದ್ಕೇ ಮಕ್ಳೀಗ್ ತಾಯಿ ಇರ್ಬೇಕು ಅನ್ನೋದು" ಅಂದ್ರು. ಅಪ್ಪನಿಗೆ ನಾಚಿಕೆಯಾಗಿ ನೀನೂ ಕೂತ್ಕೋ ಬಾ ಮಗ ಅಂತಾ ಮಗನನ್ನೂ ಕೂರಿಸ್ಕೊಂಡು ಮುಂದುವರೆದ್ರು. ನಂತರದ ಹಳ್ಳೀಲಿ ಜನ ಇವ್ರುನ್ನ ನೋಡಿ "ಅಯ್ಯೋ ಇವ್ರ್! ಇಂತಾ ಕುದ್ರೆ ಮರೀ ಮೇಲೇ ಇಬ್ರೂ ಸವಾರಿ ಮಾಡ್ತವ್ರಲ್ಲ, ಮನುಷ್ಯ್ರೋ,
ರಾಕ್ಷಸ್ರೋ" ಅಂತಾ ಬೈದ್ರು. ಅಪ್ಪ ಮಗ ಇಬ್ರೂ ಕುದುರೆ ಇಳಿದು ನಡ್ಕೊಂಡ್ ಮುಂದಿನ್ ಹಳ್ಳಿಗ್ ಬಂದ್ರು.
ಅಲ್ಲೀ ಜನ ಇವ್ರನ್ನ ನೋಡಿ, "ಏನು ಮಡ್ಡೀ ಅಪ್ಪಾ ಮಕ್ಕಳ ಜೋಡಿಯಪ್ಪಾ... ಇಂತಾ ಚಂದುಳ್ಳಿ ಕುದುರೆ ಇದ್ದೂ ಈ ಉರಿಬಿಸಿಲ್ನಾಗೆ ನಡ್ಕಂಡೇ ಹೊಂಟವ್ರೇ" ಅಂತಾ ನಕ್ಕರು... 
ಬೇರೆಯವರಿಗೆ ತೊಂದರೆಯಾಗದಿದ್ರೆ, ನಿಮಗೆ ಸರೀ ಅನ್ಸಿದ್ದನ್ನ ಮಾಡೋಕೆ ಸಲಹೆ, ಪ್ರಚಾರ ಯಾಕ್ಬೇಕು ಸಾರ್?!

ಇಷ್ಟೆಲ್ಲಾ ಮಾಡ್ತೀರಿ ಅಂದ್ಮೇಲೆ "ವರದಕ್ಷಿಣೆ" ತುಂಬಾ ತಗೊಂಡಿರಬೇಕು.

ನನಗೆ ಇದು ಮದುವೆ ತರ ಕಾಣಿಸ್ತ ಇಲ್ಲ, ಬದಲಾಗಿ ಇದು ಜಾತ್ರೆ ತರ ಇದೆ. ಆದರೂ ಸರಿ ನಿಮ್ಮ ಮದುವೆಯನ್ನು ಬ೦ದ ಪ್ರತಿಯೊಬ್ಬ ಮನುಶ್ಯನು ಮರೆಯಬಾರದು. ಆ ರೀತಿ ನೆನಪಿಟ್ಟುಕೊಳ್ಳುವ೦ತೆ ಮಾಡ್ತ ಇದ್ದೀರ. best of luck sir happy married life in advaancely........

ನಿಮ್ಮ ಮದುವೆ ನಿಮ್ಮ ಇಷ್ಟ. ಅದಕ್ಕೆ ಮೂರನೆಯವರ ಸಲಹೆಯ ಅಗತ್ಯ ಇಲ್ಲ. ಇದು ನಿಮಗೆ, ನಿಮ್ಮ ಮನಸ್ಸಿಗೆ ಮುದ ನಿದುವ೦ತೆಯೂ, ತೃಪ್ತಿಧಾಯಕವೂ ಆಗಿದ್ದರೆ ಆಯಿತು. ನಿಮಗೆ, ನಿಮ್ಮ ಹೊಸ ಯೋಚನೆಗೆ ನನ್ನ ಹಾರ್ದಿಕ ಶುಭಾಶಯಗಳು. ಸಲಹೆಗಳಿಲ್ಲ. ಸಹಾಯಕ್ಕೆ ಕರೆಯಿರಿ. ಖ೦ದಿತ ಸಿಧ್ಧ.

ಪ್ರೀತಿಯ ಶ್ರೀನಿವಾಸರವರೆ
ನಿಮ್ಮ ವೈವಾಹಿಕ ಜೀವನ ಸುಂದರವಾಗಿರಲೆಂದು ಆಶಿಸುತ್ತೇನೆ. ನಿಜಕ್ಕೂ ನಿಮ್ಮಲ್ಲಿನ ಸಾಮಜಿಕ ಆಲೋಚನೆಗೆ ಧನ್ಯವಾದಗಳು , ನೀವು ವಿಶಿಷ್ವತೆಯಲ್ಲಿ ವಿಶೇಷವಾಗಲು ಹೋರಟಿದ್ದಿರಿ ಅದು ವಿ-ಶೇಷವಾಗದಂತೆ ಕಾಪಾಡಿಕೊೞ್. ನಿಮ್ಮ ವಿವಾಹದ ಈ ಸಾಮಾಜಿಕ  ಕಾರ್ಯಕ್ರಮಗಳು ನಿಜಕ್ಕೂ ಪ್ರಶಂಸನಿಯ.
ಆದರೆ ತಾವು ಮಾತು ಮಾತಿಗೂ ಮಾದ್ಯಮದವರಿಗೆ ಆಹ್ವಾನವಿಲ್ಲ ಎಂದು ಒತ್ತಿ ಹೇಳುತ್ತಿದ್ದೀರಲ್ಲ ಅದರ ಅರ್ಥ ಇದು ಪ್ರಚಾರಕ್ಕಲ್ಲ ಎಂಬುದನ್ನ ನಾವು ನಂಬಲು ಅಸಾಧ್ಯವಾದ ಮಾತು ಉದಾಃ- ರಾಜಕಾರಣಿಗಳು ಮಾದ್ಯಮದವರ ಮುಂದೆ ಅವರು ಮಾಡುವ ಮಾತಾಡುವ ಕೆಲಸವೆಲ್ಲ ಪ್ರಚಾರಕ್ಕಲ್ಲ ಎಂದು ಹೇಳುವಂತಿದೆ ನಿಮ್ಮ ಈ ಉತ್ತರ. ವಿಸ್ಮಯನಗರಿಯು ಒಂದು ಮಾದ್ಯಮವೆಂಬುದನ್ನು ಮರೆತಿರುವಂತಿದೆ. ನಿಜವಾಗಿಯು ನಿಮ್ಮ ಈ ಕಾರ್ಯಕ್ರಮ ಪ್ರಚಾರಕ್ಕಲ್ಲದೆ ಜನಜಾಗ್ರುತಿಗಾದಲ್ಲಿ ನನ್ನದೊಂದು ಸಲಹೆ ನಿಮ್ಮ ಆಹ್ವಾನ ಪತ್ರಿಕೆಯಲ್ಲಿ " ಉಡುಗೊರೆಗೆ ಬದಲಿಗೆ ರಕ್ತದಾನ ಅಥವಾ ಪುಸ್ತಕ ಕೊೞ"ಬೇಕೆಂಬುದನ್ನು ಮುದ್ರಿಸಿ ಹಂಚಿ ಆಗ ಜಾಗ್ರುತಿಯ ಜೊತೆಗೆ ನಿಮ್ಮ ಪ್ರಯತ್ನಕ್ಕೆ ಒಂದು ಬೆಲೆ ಹಾಗೂ ಅರ್ಥಸಿಗುತ್ತದೆ. ಒಂದು  ವೇಳೆ ತಪ್ಪಾಗಿ ಹೆಳಿದ್ದರೆ ತಿದ್ದುಪಡಿ ಮಾಡಿ.
ಇತಿ ನಿಮ್ಮ ಗೆಳೆಯ

ರಕ್ತದಾನ ಉತ್ತಮ ವಿಚಾರ. ಸಸಿ ಹಾಗು ಪುಸ್ತಕಗಳು ಉಪಯೊಗಿಸುವವರಿಗೆ ಮಾತ್ರ ಹಂಚಿ. ಅವು ಕಸ ಅಥವಾ ರದ್ದಿ ಆಗದಿರಲಿ. ಯಾವುದೆ ನಟ, ರಾಜಕಾರಣಿ ಅಥವಾ ಗಣ್ಯರನ್ನು ಆಹ್ವಾನಿಸಿದರೆ ಅದೊಂದು ಪ್ರಚಾರಪ್ರೀಯ ಕಾರ್ಯಕ್ರಮವಾಗಿ ಬಿಡಬಹುದು. ನಿಮಗೆ ಬೆಡವಾಗಿದ್ದರೂ ಅವರು ಉದ್ದನೆಯ ಭಾಷಣ ಮಾಡಿ ಮದುವೆಗೆ ಬೆರೊಂದು ತಿರುವು ಕೊಡುವ ಸಾಧ್ಯತೆ ಇದೆ. ವಿವಾಹದ ಶುಭಾಶಯಗಳು.

ಪುಸ್ತಕ ಹಂಚೊದಾದ್ರೆ ಹೇಗೂ ಮದುವೆ ಬೇರೆ ಆಗ್ತಾ ಇದ್ದಿರಾ !!!
ಅಡುಗೆ ಮನೆ, ನಳಪಾಕ, ಈ ರೀತಿಯ ಪುಸ್ತಕಗಳನ್ನ ಹಂಚಿ.
ಶ್ರೀಮತಿಯವರಿಗೂ ಖುಶಿಯಾಗಬಹುದು.

ಶ್ರೀನಿವಾಸ್, ನಿಮ್ಮ ಬಹು ವರ್ಷಗಳ ಕನಸು ನನಸಾಗುತ್ತಿದೆ, ನೀವು ಹಾಕಿಕೊ೦ಡಿರುವ ಕಾರ್ಯಕ್ರಮಗಳೂ ಚೆನ್ನಾಗಿವೆ, ನಿಮ್ಮ ಮದುವೆ ಅರ್ಥಪೂರ್ಣವಾಗಲಿ, ನಿಮ್ಮ ಎಲ್ಲ ಕನಸುಗಳು ನನಸಾಗಲಿ, ಬಾಳ ಹಾದಿ ಸು೦ದರವಾಗಲಿ ಎ೦ದು ಹಾರೈಕೆಗಳು.