ಲಂಬೋದರ್ ಚಾಚಾ (ಪರೇಶ್ ರಾವೆಲ್) ತನ್ನ ಬಂಧು ಪಪ್ಪುವನ್ನು ಹುಡುಕಿಕೊಂಡು ಮುಂಬೈಗೆ ಬರುತ್ತಾನೆ. ಆದರೆ ಅಲ್ಲಿ ಅಜಯ್ ದೇವಗನ್ ಅನ್ನೆ ಪಪ್ಪು ಎಂದು ತಪ್ಪಾಗಿ ಅರ್ಥೈಸಿ ಅವರ ಮನೆಯಲ್ಲಿ ಉಳಿಯುತ್ತಾನೆ. ಆಗ ಪುನೀತ್ (ಅಜಯ್ ದೇವಗನ್) ಹಾಗೂ ಮುನ್ಮುನ್ (ಕೊಂಕಣ ಸೇನ) ಅನುಭವಿಸುವ ಪಡಿಪಾಟಲುಗಳು, ಅವರು ಈ ಅತಿಥಿಯನ್ನು ಹೊರ ಹಾಕಲು ಪಟ್ಟ ಪ್ರಯತ್ನ. ಕೊನೆಗೆ ಲಂಬೋದರ್ ಚಾಚಾ ಮನೆಯಿಂದ ಹೊರ ಹೋದನೆ? ಏನಾಯ್ತು ಅನ್ನುವದೇ ಈ ಚಿತ್ರದ ತಿರುಳು.
ಈ ಚಿತ್ರದ ಹೆಗ್ಗಳಿಕೆ ಏನೆಂದರೆ ಎಲ್ಲಿಯೂ ನಿಮ್ಮನ್ನು ವೃಥಾ ನಗಿಸಲು ಪ್ರಯತ್ನಿಸದಿರುವದು. ಆದರೆ ಕೆಟ್ಟ ಹಾಡುಗಳು, ಕೆಲವೊಮ್ಮೆ ಸ್ವಲ್ಪ ಅತಿಯಾಯ್ತು ಅನ್ನುವ ಸನ್ನಿವೇಶಗಳು ಸಹ ಇವೆ. ಇವೆಲ್ಲ ಬೋರ್ ಹೊಡೆಸುತ್ತದೆ. ಪರೇಶ್ ರಾವೆಲ್ ಅವರ ಅಭಿನಯ ತುಂಬಾ ಚೆನ್ನಾಗಿದೆ. ಅಜಯ್ ದೇವಗನ್ ಸಹ ಪರವಾಗಿಲ್ಲ.
ಇದು ಕುಟುಂಬ ಸಮೇತ ಮಜುಗರವಿಲ್ಲದೇ ನೋಡಿ ನಲಿಯಬಹುದಾದ ಚಿತ್ರ. ಐಟಂ ಸಾಂಗ್ ಪ್ರಿಯರಿಗೆ ಹಾಗೂ ಹೊಡೆದಾಟ ನೋಡ ಬಯಸುವವರಿಗೆ ಇಲ್ಲಿ ನಿರಾಶೆ ಕಾದಿದೆ!
ಸಿನಿಮಾ ಎಂದರೆ ಬರೀ ಲವ್ ಸ್ಟೋರಿ, ಮಚ್ಚು ಲಾಂಗು ಬೀಸಾಟ ರಕ್ತ ಓಕುಳಿಯಾಟ ಎಂದು ಭಾವಿಸಿರುವ ಕನ್ನಡ ಚಿತ್ರರಂಗದವರು ಬಾಲಿವುಡ್ ನಲ್ಲಿ ಬರುವ ಈ ತರಹದ ಚಿತ್ರಗಳಿಂದ ಕಲಿಯುವದು ಬೇಕಾದಷ್ಟಿದೆ. ಅರೆರೆ ತಡೀರಿ ಹಾಗಂತ ಇದನ್ನ ರೀಮೇಕ್ ಮಾಡಬ್ಯಾಡ್ರಿ.
ಈ ಚಿತ್ರದ ಪ್ಲಸ್ ಪಾಯಿಂಟ್
- ಪರೇಶ್ ರಾವಲ್ ಅವರ ಅಭಿನಯ
- ಉತ್ತಮ ಚಿತ್ರ ಕಥೆ
- ನಕ್ಕು ನಲಿಸುವ ಹಾಸ್ಯಗಳು
ಈ ಚಿತ್ರದ ಮೈನಸ್ ಪಾಯಿಂಟ್
- ಸಾಧಾರಣ ಕಥೆ
- ಕೆಟ್ಟ ಹಾಡುಗಳು
- ಕೆಲವೊಮ್ಮೆ ಸ್ವಲ್ಪ ಅತಿ ಅನ್ನಿಸುವ ಸನ್ನಿವೇಶಗಳು
ವಿಸ್ಮಯ ರೇಟಿಂಗ್ಃ 3/5
ನಿಮ್ಮ ಅನಿಸಿಕೆ ತಿಳಿಸಿ