Skip to main content

ಒಂದು ಮನಸಿನ ನೂರು ಕನಸು

ಬರೆದಿದ್ದುFebruary 8, 2010
noಅನಿಸಿಕೆ

ನಸೇ ಹೀಗೆ, ಕೆಲವು ಸಲ ಇದ್ದಕ್ಕಿದ್ದಂತೆ ಮೌನವಾಗಿ ಒಂಟಿತನ ಬಯಸುತ್ತೆ.ಕ್ಷಣ ಮಾತ್ರದಲ್ಲಿ ಮೌನ ಮುರಿದು ಬಯಕೆಗಳ ಚಿತ್ತಾರ ತೆರೆದಿಡುತ್ತೆ. ಮನಸಿನ ಅಂಗಳದಲ್ಲಿ ನಾನಾ ಕನಸುಗಳನ್ನ ಬಿತ್ತಿ ದಿನವೂ ಕನಸಿನಲ್ಲಿ ಮೂಡುವ ಆ ಕನಸಿನ ಕುವರಿಯ ಕಾಣಲು ಹಾತೊರಿಯುತ್ತೆ .ಬಿಸಿಲ್‌ಗುದುರೆಯಂತೆ ಆಗಾಗ ಮನಸಿನಲಿ ಮಿಂಚಿ ಮರೆಯಾಗಿ ಹೋಗುವ ಆ ಮುಗುಳ್ನಗೆಯ ಜೊತೆ ಭಾವನೆಗಳ ಹಂಚಿಕೊಳ್ಳಲು ಆಸೆ ಪಡುತ್ತೆ...
[img_assist|nid=6025|title=|desc=|link=node|align=center|width=385|height=218]
ಆ ತುಂಟ ಬಯಕೆಗೆ ಈಗ ಹಲವು ವರುಷ ಆಯುಷ್ಯ.ಹಿಂದೆ ಚಿಕ್ಕದಾಗಿ ಮನದ ಯಾವುದೋ ಮೂಲೆಯಲ್ಲಿ ಕಾಣಿಸಿಕೊಂಡ ಆ ಕನಸು ಈಗ ಮನಸಿನ ಒಡೆಯ.ತನಗೆ ಇಚ್ಛೆ ಬಂದಂತೆ ಮನಸನ್ನು ಕುಣಿಸುವ ಸೂತ್ರಧಾರ .ಹೇಗೋ ಅದಕೆ ಮುದ್ದು ಮಾಡಿ ಮುನಿಸಿಕೊಂಡ ಮನಸನು ಮತ್ತೆ ಸಹಜ ಸ್ಥಿತಿಗೆ ತರೋಕೆ ಅಬ್ಬಾ ಕೆಲ ಸಮಯವೆ ಬೇಕು ..ಹುಚ್ಚು ಅಲ್ವಾ ..
ಪ್ರತಿ ಮುಗ್ಧ ಮನಸಿಗು ಈ ಪಿಡುಗು ಇದ್ದದ್ದೆ... ಸಂಗಾತಿಯನ್ನು ನಾವೇ ಹುಡುಕಿಕೊಳ್ಳಬೇಕಾ...ಅಪ್ಪ ಅಮ್ಮನ ಮೇಲೆ ಜವಾಬ್ಧಾರಿ ಹೊರಿಸಬೇಕಾ ಅಥವಾ ಇದೆಲ್ಲದರ ಪರಿವೆ ಇಲ್ಲದೇ ಲೈಫ್ ಅನ್ನು ಬಂದ ಹಾಗೆ ಸ್ವೀಕರಿಸುತ್ತಾ ಕನಸುಗಳ ಮೇಲೆ ಕನಸ ಹೆಣೆಯುತ್ತಾ ಸಾಗಬೇಕಾ...ನಾನು ಕೊನೇ ಸಾಲಿಗೆ ಸೇರುವ ಪಡ್ಡೆ ಹುಡುಗ.ಆಗಾಗ ನನ್ನವಳ ಜೊತೆ ಮನಸಿನ್ನಲ್ಲೇ ಹರಟೆ ಹೊಡೆಯುತ್ತಾ ಕನಸಿನಲ್ಲೇ ಅರಮನೆ ಕಟ್ಟುವ ದೊಡ್ಡ ಲೂಸು. ಹೆ ಹೆ..ಯಾಕೆ ಲೈಫ್ ಲ್ಲಿ ರಿಸ್ಕ್ ತುಗೊಳ್ಳೋದು .ನಾವೇ ಹುಡುಕೊಂಡ್ರೆ ಆಯ್ತಪ್ಪಾ .ನಾನು ಹುಡುಗ ಆಗಿದ್ರೆ ಆಗಲೇ ಹುಡುಕೋಕೆ ಶುರು ಮಾಡಿರ್ತಿದ್ದೆ ಅಂತ ನನ್ನ ಫ್ರೆಂಡ್ ಒಬ್ಬಳು ಆಗಾಗ ನಂಗೆ ಕಿವಿಮಾತು ಹೇಳ್ತಿದ್ರೆ ನಾನು ಹ್ಮ್ ಅಂತ ಹೇಳಿ ಜಾರಿಕೊಳ್ಳೋದೇ ಹೆಚ್ಚು.
ದಿನನಿತ್ಯ ನೂರಾರು ಕಣ್ಣುಗಳು ಮನಸಿನ ಮಾತು ಬಿಂಬಿಸುತ್ತ ಎದುರಾಗುತ್ತವೆ .ಕೆಲವು ತನ್ನ ಸಂಗಾತಿಯ ಹುಡುಕಾಟದಲ್ಲಿ ಮೈ ಮರೆತರೆ ಇನ್ನು ಕೆಲವು ಕಣ್ಣುಗಳು ನುಂಗುವಂತೆ ದುರುಗುಟ್ಟುತ್ತವೆ.ಕೆಲವು ಯಾವುದೋ ಲೋಕದ ಕನಸಿನಲ್ಲಿ ಜಾರಿಕೊಂಡಿದ್ದರೆ ಮತ್ತೆ ಹಲವು ಗತಿಸಿದ ವೇದನೆಯಿಂದ ಹೊರಬರಲು ಹೆಣಗಾಡುತ್ತಿರುತ್ತವೆ.ಇವೆಲ್ಲದರ ಮದ್ಯೆ ನನ್ನ ಕನಸಿನ ಕಣ್ಣುಗಳು ಸನಿಹ ಬಂದರೂ ಗೋಚರಿಸದೇ ಹೋಗಬಹುದು.ಮತ್ತೊಂದು ನೊಟ ಗುರುತಿಸಿದರೂ ನನಗೆ ಅರಿವಿಗೆ ಬಾರದೇ ಹೋಗಬಹುದಲ್ಲ .ಯಾವುದಕ್ಕೂ ಲಕ್ ಬೇಕು ಅನ್ನೋ ನನ ಫ್ರೆಂಡ್ ಹೇಳೋ ಮಾತು ನಿಜವೇ ಅಲ್ವಾ. .ಕೆಲವು ಮನಸುಗಳು ನನ್ನ ಇಷ್ಟ ಪಟ್ಟು ಸನಿಹಕೆ ಬಂದರೂ ನಾನು ಅವರಲ್ಲಿ ಕಂಡಿದ್ದು ಗೆಳೆತನ ..ಮುದ್ದು ಪ್ರೀತಿಯ ಅಕ್ಕರೆ ... ಲೈಫ್ ಅಂದ್ರೆ ಮೂವೀ ಅಲ್ಲ ಕಣೋ ಕನಸಿನ ಹುಡುಗಿ ಅನ್ನೋದು ಕನಸಲ್ಲೇ ಮಾತ್ರ .. ಜೀವನದಲ್ಲಿ ಸಿಗಲ್ಲ ಅನ್ನೋ ನನ್ನ ಫ್ರೆಂಡ್ ನಿಗೆ ನಾನು ತೋರಿಸ್‌ಬೇಕು ಅವಳು ಸಿಕ್ಕೇ ಸಿಗ್ತಾಳೆ ಅಂತ.
ನನಗೆ ಅವಳೇ ಬೇಕು ತಂಗಾಳಿ ಯ ರಾತ್ರಿಯಲಿ ನನ್ನ ಜೊತೆ ಕುಳಿತು ಚುಕ್ಕಿ ಎಣಿಸೋಕೆ .. .ನನ್ನ ಕನಸಿಗೆ ಜೀವ ತುoಬೊಕೆ .. ನನ್ನ ಕಲ್ಪನೆಯ ಜಗತ್ತಿಗೆ ಹೆಸರು ಕೊಡೋಕೆ.. ನನ್ನ ಮುಗ್ಧಮನಸಿನ ಅಂಗಳದಲಿ ಚಿತ್ತಾರ ಬಿಡಿಸೊಕೆ.ಅವಳೇ ಬೇಕು ದಟ್ಟ ಕಾಡಿನ ಮದ್ಯೆ ಉರಿ ಬೆಂಕಿಯ ಪಕ್ಕ ಕುಳಿತು ಹೇಳುವ ನನ್ನ ಹಾಡಿಗೆ ಕೇಕೆ ಹಾಕೋಕೆ.ಹ್ಮ್ .ಅವಳೇ ಬೇಕು.
ಮೈ ಡಿಯರ್ ಗಾಡ್ ಕಾಲದ ದಾರಿಯ ಯಾವುದೋ ನಿಲ್ದಾಣದಲ್ಲಿ ನನಗಾಗಿ ಕಾಯ್ದು ಕುಳಿತಿರುವ ಅವಳಿಗೆ ನನ್ನಡೆ ಬರಲು ದಾರಿ ತೋರಿಸ್ತೀಯ ಅಥವಾ ಈ ಜೀವನದ ಗಾಲಿಯನ್ನು ಸ್ವಲ್ಪ ಜೋರಾಗಿ ತಳ್ಳಿ ಅವಳಿರುವ ನಿಲ್ದಾಣಕ್ಕೆ ಹೋಗಿ ನಿಲ್ಲಿಸ್ತೀಯ ಪ್ಲೀ..ಸ್ !!
http://www.hisudhir007.blogspot.com/

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.