ಮನಸಾರೇ ನನ್ನ ಅನುಭವ

ಗಾಳಿಪಟ ಹಾರೀಸ್ದ ಮೇಲೆ ನಂ ಭಟ್ಟರು (ಯೋಗರಾಜ್ ಭಟ್ಟರು) ಲಗೋರಿ ಆಡುಸ್ತೀನಿ ಅಂದ್ರೂ ಕಾದು ಕಾದು ಕೊನೆಗೂ ಮನಸಾರೇ ನಂ ಮುಂದೆ ಇಟ್ರೂ. ಕಾದಿದ್ದಕ್ಕು ಮೋಸ ಇಲ್ಲಾರೀ ಒಳ್ಳೇ ಸಿನಿಮಾ ನೇ ಮಾಡಿದಾರೆ. ಹಿಂದಿನ ೨ ಚಿತ್ರಗಳ ಎಲ್ಲ ಸಹಜತೆ (ಮಳೆ, ಗಣೇಶ್, ಅನಂತ್ ನಾಗ್) ಇಂದ ಹೊರಗ್ ಬಂದು ತುಂಬಾ ಒಳ್ಳೇ ಕಥೆ ಆಯ್ಕೆ ಮಾಡಿ ತಾಜಾತನ ಇರೋ ಚಿತ್ರಕತೆಗೆ ತುಂಬಾ ತುಂಬಾ ನಗ್ಸೋ ಸಂಭಾಷಣೆ ಬರ್ದಿದರೆ. ಅಷ್ಟೇ ಅಲ್ಲ ನಿರ್ದೇಶಕನಾಗಿನು ಗೆದ್ಡಿದಾರೆ. ಇನ್ನೂ ಸಂಗೀತ ಹಿಂದಿನಷ್ಟು ಇಲ್ದೇ ಇದ್ರು ಮೋಸ ಅಂತೂ ಇಲ್ಲ. ಸಾಹಿತ್ಯ ಅಂತೂ ಅದ್ಭುತ.

ಮನಸಿನ ಭಾವನೆಗೆ ಪದ ಕೊಡೋ ಇಬ್ಬರು ಮಹನೀಯರು ಇಲ್ಲಿದ್ದಾರೆ. ಕಾಯ್ಕಿಣಿ ಮತ್ತೆ ಭಟ್ಟರು. ಆದ್ರೆ ಇಲ್ಲಿ ಎಲ್ಲ ಸರಿ ಇದೆ ಅಂದ್ರೆ ತಪ್ಪಾಗ್ಬೊಡೇನೋ. ಮೊದಲಾರ್ಧಕ್ಕೆ ಇರೋ ವೇಗ ದ್ವೀತಿಯಾರ್ಡಕ್ಕೆ ಇಲ್ಲ ಅನ್ಸುತ್ತೆ. ಹಾಗೆ ಕೊನೇ ಕೊನೆಗೆ ಎಲ್ಲೋ ಬೇಗ ಮೂಗಿಸ್‌ಬೇಕು ಅನ್ನೋ ಹಾಗಿತ್ತು. ಆದ್ರೆ ಅಂತ್ಯ ಅಂತೂ ತುಂಬಾ ಚೆನ್ನಾಗಿ ಮೂಡಿ ಬಂದಿದೆ. ಆದ್ರೆ ಯೋಗರಾಜ್ ಭಟ್ ಲೆವೆಲ್‌ಗೆ ಇಲ್ಲ ಅನ್ಸತ್ತೆ ಅಷ್ಟೇ. ಇನ್ನೂ ಪ್ರಯತ್ನ ಪಟ್ಟಿದ್ರೆ ಅಂತ್ಯ ಪರಿಣಾಮಕಾರಿಯಾಗಿ ಬರ್ಬೋದಿತ್ತು. ಪೂರ್ತಿ ಚಿತ್ರ ನೊಡಿದ್ರೆ ನಿಜವಾಗ್ಲೂ ಎಲ್ಲೂ ಯಾರಿಗೂ ಬೋರ್ ಆಗಲ್ಲ. ಇದು ಯೋಗರಾಜ್ ಭಟ್ ಮಾತ್ರ ಮಾಡೋಕೆ ಆಗುವ ಸಿನಿಮಾ ಅನ್ನೋ ಹಾಗಿದೆ. ಇನ್ನೂ ದಿಗಂತ್ . ಮೊದಲ ಚಿತ್ರ ಅನ್ಸತ್ತೆ ಪೂರ್ಣ ಪ್ರಮಾಣದ ನಾಯಕನಾಗಿ ನಟಿಸಿರೋದು. ಗೆದ್ದಿದಾರೆ ಕಣ್ರೀ. ಒಳ್ಳೇ ನಟನೆ ಬಂದಿದೆ. ಡೈಲಾಗ್ ಡೆಲಿವರೀ ಅಂತೂ ಸುಪರ್ಬ್.

ಆದ್ರೆ ಎಲ್ಲೋ ಬಾಡೀ ಲ್ಯಾಂಗ್ವೇಜ್ ಮಿಸ್ ಆಗಿದೆ ಅನ್ಸತ್ತೆ ಕೆಲವು ಕಡೆ. ಅದು ಬಿಟ್ರೆ ದಿಗಂತ್ ಗುಡ್. ಇನ್ನೂ ಅಂದ್ರಿತಾ ರೇ. ಕೇಳ್ಳೆಬೇಡಿ ಕೆಲವು ಕಡೆ ಅದ್ಭುತ ಅನ್ನೋ ಅಷ್ಟು ಚೆನ್ನಾಗಿದಳೆ. ನಟನೆ ಕೂಡ. ಎಲ್ಲೂ ಈಕೆ ಸೋತೆ ಇಲ್ಲ ಅನ್ಬೋದು. ಅದು ಬಿಟ್ರೆ ಗಮನ ಸೆಳೆಯೊ ಪಾತ್ರ ಅಂದ್ರೆ ಶಂಕರಪ್ಪ(ಇವರ ನಿಜವಾದ ನಾಮಧೇಯ ಗೊತ್ತಿಲ್ಲ). ಸಿಕ್ಕ ಅವಕಾಶಾನ ಎಷ್ಟು ಚೆನ್ನಾಗಿ ಉಪಯೋಗಿಸ್ಕೊನ್ಡಿದಾರೆ ಅಂದ್ರೆ ನೋಡಿ ಅನುಭವಿಸ್ ಬೇಕು ರಿ. ತುಂಬಾ ಚನ್ನಾಗಿ ನಿಬಾಯ್ಸಿದಾರೆ. ಅದು ಬಿಟ್ರೆ ಒಂದು ಹಾಡಲ್ಲಿ ಬರೋ ನೀತು ಗುಡ್. ಇನ್ನೂ ನಾಯಕನ ಚಿಕ್ಕಪ್ಪನ ಪಾತ್ರ ಕೂಡ ಅಷ್ಟೇ. ಇದೆಲ್ಲಕ್ಕಿಂತ ಭಟ್ಟರ ಸಂಭಾಷಣೇನೆ ಒಂದು ಪಾತ್ರ. ಅದು ನಿಜವಾದ ನಾಯಕನ ಪಾತ್ರ ಆನ್ಬೋದು. ಇನ್ನೂ ಚಿತ್ರದ ಕಣ್ಣು (ಕ್ಯಾಮರಮನ್) ಸತ್ಯ ಹೆಗಡೆ ಬಗ್ಗೆ ಹೇಳ್ದೆ ಇದ್ರೆ ಮೋಸ ಆಗತ್ತೆ. ತುಂಬಾ ಚೆನ್ನಾಗಿ ನಿಬಾಯ್ಸಿದಾರೆ. ಅದ್ರಲ್ಲೂ ಹಾಡಿನ ಚಿತ್ರೀಕರಣದಲ್ಲಿ ಅದ್ಭುತ. ಮನೋಮೂರ್ತಿ ಅವರ ಸಂಗೀತ ಗೊತ್ತಲ್ಲ. ತುಂಬಾ ಚೆನ್ನಾಗಿದೆ ಆದ್ರೆ ಎಲ್ಲೋ ಕೇಳಿದ ನೆನಪು ಆಗ್ಬೋದು.