Skip to main content

ರೈತನಾಗುವೆ

ರೈತನಾಗುವೆ
ಇಂದ prabhu
ಬರೆದಿದ್ದುFebruary 25, 2019
noಅನಿಸಿಕೆ

ಅಪ್ಪ ನಾನು ಹೊಲಕೆ ಹೋಗುವೆ
ಬಂಡಿಗೆ ಎತ್ತನು ಕಟ್ಟಿಕೊಡು|
ನೇಗಿಲು ಹೊಡೆದು ಹೊಲವನು ಉಳುವ
ಕೆಲಸವ ನನಗೆ ಕಲಿಸಿಕೊಡು||೧||
ಬೆಳ್ಳನೆ ಜೋಡೆತ್ತಿಗೆ
ಕೊಂಬಣಸನು ಹಾಕಿ ಬಿಡು|
ಡಂಬರಗಿಗೆ ಹಗ್ಗವ ಸುತ್ತಿ
ಬಾರಕೋಲನು ಹೆಗಲಿಗಿಡು||೨||
ಹಗಲು ಇರಳು ನೀರನು ಹಾಯಿಸಿ
ಬೆಳೆಯನು ಜೋಪಾನ ಮಾಡುವೆನು|
ಕೊಟ್ಟಿಗೆ ಗೊಬ್ಬರವನ್ನು ಸುರುವಿ
ಮಣ್ಣಿಗೆ ಶಕ್ತಿಯ ತುಂಬುವೆನು||೩||
ಜೋಳದ ತೆನೆಯ ಕಾಯಲು ನನಗೆ
ಮೆಂಚಿಕೆಯನ್ನು ಹಾಕುವಿಯಂತೆ|
ಕಲ್ಲಿನ ಕವಣೆಯ ಬೀಸಿ ಬೀಸಿ
ಹಕ್ಕಿ ಹಾರಿಸುವೆ ಬಿಡು ಚಿಂತೆ||೪||
ತೆನೆಗೆಳ ಕೊಯ್ದು ಗೂಡನು ಮುರಿದು
ಹೊಲದಲಿ ಕಣವನು ಮಾಡುವಿಯಂತೆ|
ಮೇಟಿಯ ಸುತ್ತ ಎತ್ತನು ಸುತ್ತುತ
ಹಂತಿ ಪದಗಳ ಹಾಡುವಿಯಂತೆ||೫||
ರಾಶಿಯ ತೂರಿ ಜೊಳ್ಳನು ಹಾರಿಸಿ
ಕಾಳನು ಚೀಲಕೆ ತುಂಬೋಣ|
ಆಯಗಾರರಿಗೆ ಕಾಳನು ನೀಡಿ
ಸುಗ್ಗಿಯ ಹಬ್ಬವ ಮಾಡೋಣ||೬||
ನಿನ್ನಯ ಆಶೆಯು ಸರಿ ಮಗನೆ
ಮೊದಲು ಶಾಲೆಯ ಕಲಿ ಹೋಗು|
ಓದನು ಮುಗಿಸಿ ಕೃಷಿಯನು ತಿಳಿದು
ಆ ಮೇಲೆ ಮಣ್ಣಿನ ಮಗನಾಗು||೭||
*ರಚನೆ: ಡಾ.ಪ್ರಭು ಅ ಗಂಜಿಹಾಳ
ಮೊ:೯೪೪೮೭೭೫೩೪೬

ಲೇಖನದ ಬಗೆ

ಲೇಖಕರು

prabhu

ಸಿನಿಪ್ರಿಯ

ಬಾಗಲಕೋಟ ಜಿಲ್ಲೆ ಹುನಗು೦ದ ತಾಲೂಕ್ ಗುಡೂರು ಜನ್ಮಸ್ಥಳ.ತ೦ದೆ ಜಿ.ಎಸ್ .ಅನ್ನದಾನಿ ವಿಶ್ರಾ೦ತ ಬಿಡಿಓ.ಚುಟುಕು ಕವಿ,ಕತೆಗಾರರು.ನಾನು ಕವಿ,ಕತೆಗಾರ,ಸಿನೆಮಾ,ಟಿವಿ ಗ್]ಳಲ್ಲಿ ವಿವಿಧ ವಿಭಾಗಗಳಲ್ಲಿ ಕಾರ್ಯ ಮಾಡಿದ್ದೇನೆ.ಹಲವು ಪುಸ್ತಕಗಳು,ಹಾಡಿನ ಕ್ಯಾಸೆಟ್ ಗಳು ಬಿಡುಗಡೆಯಾಗಿವೆ..ಕನ್ನಡ ವ್ರುತ್ತಿರ೦ಗಭೂಮಿ ಮತ್ತು ಚಿತ್ರರ೦ಗ ಕುರಿತು ಕವಿವಿ ಇ೦ದ ೨೦೦೩ ರಲ್ಲಿ ಪಿ ಎಚ್ ಡಿ ಆಗಿದೆ.ಧಾರವಾಡ,ಚೆನ್ಯೆ ರೆಡಿಯೋ ಕೇ೦ದ್ರದಿ೦ದ ಸ್ವರಚಿತ ಕವಿತೆ ವಾಚನ,ಭಾಷಣ ಪ್ರಸಾರವಾಗಿವೆ,ಸಿನಿಮಾಗಳಿಗೆ ಸಹ ನಿರ್ದೇಶಕನಾಗಿ , ಕಲಾ ನಿರ್ದೇಶಕನಾಗಿ ಕಾರ್ಯ ನಿರ್ವಹಿಸಿದ್ದೇನೆ. ಕಸಾಪ ಆಜೀವ ಸದಸ್ಯ್,ರೋಣ ತಾಲೂಕ ಮಾಜಿ ಕಸಾಪ ಕಾರ್ಯದರ್ಶಿ.೨೦೧೩-೧೪ನೇ ಸಾಲಿಗೆ ಗದಗ ಜಿಲ್ಲಾ ಪದವಿ ಕಾಲೇಜ್ ಕನ್ನಡ ಅಧ್ಯಾಪಕರ ಪರಿಷತ್ ಉಪಾಧ್ಯಕ್ಷ 2014-15,ಗದಗ ಜಿಲ್ಲಾ ಕನಾ೯ಟಕ ಜಾನಪದ ಪರಿಷತ್ತು ಕಾಯ೯ದಶಿ೯ 2014-15,ಗದಗ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಗೌರವ ಕಾರ್ಯದರ್ಶಿಗಳು-೨೦೧೪,ರೋಟರಿ ಗದಗ ಸೆಂಟ್ರಲ್ ಸದಸ್ಯ್, ಕವಿವಿ ಧಾರವಾಡ ಪದವಿ ಮಹಾವಿದ್ಯಾಲಯಗಳ ಕನ್ನಡ ಅಧ್ಯಾಪಕರ ಪರಿಷತ್ ಸಹಕಾರ್ಯದರ್ಶಿ ೨೦೧೬. ರಾಜ್ಯ-ಹೊರರಾಜ್ಯ್ಗಗ ಳಲ್ಲಿ ಹಲವಾರು ಮಿತ್ರರಿದ್ದಾರೆ.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.