Skip to main content

ಕನಸು

ಕನಸು
ಇಂದ prabhu
ಬರೆದಿದ್ದುFebruary 10, 2019
noಅನಿಸಿಕೆ

ಹಕ್ಕಿಯ ಹಾಗೆ ಆಕಾಶಕೆ
ನಾವು ಹಾರೋಣ|
ಪಕ್ಷಿ ನೋಟದಿ ಎಲ್ಲವ ನೋಡುತ
ದೇಶವ ಸುತ್ತೋಣ||೧||
ಕೊನೆಯೆ ಇಲ್ಲದ ಬಾನಲಿ ಹಾರುತ
ಮೋಡದ ನಡುವೆ ಸಾಗೋಣ|
ಚುಕ್ಕಿ ಚಂದ್ರರ ಹತ್ತಿರ ಹೋಗಿ
ಸ್ನೇಹ ಬೆಳೆಸೋಣ||೨||
ಮಂದಿರ ಮಸೀದಿ ಚರ್ಚುಗಳಿಲ್ಲದ
ಬಾನಲಿ ಹಾರೋಣ|
ದೇವರು ಎಲ್ಲಡೆ ಇರುವನೆಂದರೆ
ಅಲ್ಲೇ ನೋಡೋಣ||೩||
ಜಾತಿಯ ಗೊಡವೆ ಇಲ್ಲದೆ ನಾವು
ನಗುತ ಬಾಳೋಣ|
ಸಹನೆ ಪ್ರೀತಿ ಶಾಂತಿಯ ಜೊತೆಗೆ
ಸ್ವರ್ಗ ಕಾಣೋಣ||೪||
ಕನ್ನಡ ಶಾಲೆ ಮಕ್ಕಳು ನಾವು
ಅಂತ ಹೇಳೋಣ|
ಕನ್ನಡ ಮಾತು ಎಲ್ಲಡೆ ಆಡುತ
ಪ್ರೀತಿ ಗಳಿಸೋಣ||೫||
ಹಾರುತ ಸಾಗುವ ದಾರಿಯ ನಡುವೆ
ಸೋಲದ ರೆಕ್ಕೆಯು ನಮಗಿರಲಿ|
ಕಲ್ಪನೆ ಕನಸು ನನಸಾಗಲು
ಎಲ್ಲರ ಹಾರೈಕೆಯು ಜೊತೆಗಿರಲಿ||೬||
*ರಚನೆ: ಡಾ.ಪ್ರಭು ಅ ಗಂಜಿಹಾಳ
ಮೊ:೯೪೪೮೭೭೫೩೪೬

ಲೇಖನದ ಬಗೆ

ಲೇಖಕರು

prabhu

ಸಿನಿಪ್ರಿಯ

ಬಾಗಲಕೋಟ ಜಿಲ್ಲೆ ಹುನಗು೦ದ ತಾಲೂಕ್ ಗುಡೂರು ಜನ್ಮಸ್ಥಳ.ತ೦ದೆ ಜಿ.ಎಸ್ .ಅನ್ನದಾನಿ ವಿಶ್ರಾ೦ತ ಬಿಡಿಓ.ಚುಟುಕು ಕವಿ,ಕತೆಗಾರರು.ನಾನು ಕವಿ,ಕತೆಗಾರ,ಸಿನೆಮಾ,ಟಿವಿ ಗ್]ಳಲ್ಲಿ ವಿವಿಧ ವಿಭಾಗಗಳಲ್ಲಿ ಕಾರ್ಯ ಮಾಡಿದ್ದೇನೆ.ಹಲವು ಪುಸ್ತಕಗಳು,ಹಾಡಿನ ಕ್ಯಾಸೆಟ್ ಗಳು ಬಿಡುಗಡೆಯಾಗಿವೆ..ಕನ್ನಡ ವ್ರುತ್ತಿರ೦ಗಭೂಮಿ ಮತ್ತು ಚಿತ್ರರ೦ಗ ಕುರಿತು ಕವಿವಿ ಇ೦ದ ೨೦೦೩ ರಲ್ಲಿ ಪಿ ಎಚ್ ಡಿ ಆಗಿದೆ.ಧಾರವಾಡ,ಚೆನ್ಯೆ ರೆಡಿಯೋ ಕೇ೦ದ್ರದಿ೦ದ ಸ್ವರಚಿತ ಕವಿತೆ ವಾಚನ,ಭಾಷಣ ಪ್ರಸಾರವಾಗಿವೆ,ಸಿನಿಮಾಗಳಿಗೆ ಸಹ ನಿರ್ದೇಶಕನಾಗಿ , ಕಲಾ ನಿರ್ದೇಶಕನಾಗಿ ಕಾರ್ಯ ನಿರ್ವಹಿಸಿದ್ದೇನೆ. ಕಸಾಪ ಆಜೀವ ಸದಸ್ಯ್,ರೋಣ ತಾಲೂಕ ಮಾಜಿ ಕಸಾಪ ಕಾರ್ಯದರ್ಶಿ.೨೦೧೩-೧೪ನೇ ಸಾಲಿಗೆ ಗದಗ ಜಿಲ್ಲಾ ಪದವಿ ಕಾಲೇಜ್ ಕನ್ನಡ ಅಧ್ಯಾಪಕರ ಪರಿಷತ್ ಉಪಾಧ್ಯಕ್ಷ 2014-15,ಗದಗ ಜಿಲ್ಲಾ ಕನಾ೯ಟಕ ಜಾನಪದ ಪರಿಷತ್ತು ಕಾಯ೯ದಶಿ೯ 2014-15,ಗದಗ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಗೌರವ ಕಾರ್ಯದರ್ಶಿಗಳು-೨೦೧೪,ರೋಟರಿ ಗದಗ ಸೆಂಟ್ರಲ್ ಸದಸ್ಯ್, ಕವಿವಿ ಧಾರವಾಡ ಪದವಿ ಮಹಾವಿದ್ಯಾಲಯಗಳ ಕನ್ನಡ ಅಧ್ಯಾಪಕರ ಪರಿಷತ್ ಸಹಕಾರ್ಯದರ್ಶಿ ೨೦೧೬. ರಾಜ್ಯ-ಹೊರರಾಜ್ಯ್ಗಗ ಳಲ್ಲಿ ಹಲವಾರು ಮಿತ್ರರಿದ್ದಾರೆ.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.