Skip to main content

ಪ್ರಾರ್ಥನೆ

ಪ್ರಾರ್ಥನೆ
ಇಂದ prabhu
ಬರೆದಿದ್ದುJanuary 13, 2019
noಅನಿಸಿಕೆ

ತಾಯಿ ಶಾರದೆ ನಮಿಸುವೆ ನಿನಗೆ
ವಿದ್ಯೆಯ ಕಲಿಸು ಬೇಗನೆ ನಮಗೆ|
ಮುದ್ದು ಮಕ್ಕಳ ಮನವಿ ಆಲಿಸು
ಶುದ್ಧಾಕ್ಷರಗಳ ನಮಗೆ ಕಲಿಸು||೧||
ಕೂಡಿಸಿ ಕಳೆದು ಬಾಗಿಸಿ ಗುಣಿಸುವ
ಲೆಖ್ಖಗಳೆಲ್ಲ ತಟ್ಟನೆ ಕಲಿಸು|
ಹಿಂದಿ ಇಂಗ್ಲೀಷ್ ವಿಜ್ಞಾನವೆಲ್ಲ
ಕನ್ನಡದಂತೆ ಅರಗಿಸಿ ಕುಡಿಸು||೨||
ಗುರುಗಳು ಹೇಳುವ ಪಾಠಗಳೆಲ್ಲ
ಮರೆಯದ ಹಾಗೆ ಮನದಲ್ಲಿರಿಸು|
ಕಷ್ಟವು ಎಷ್ಟೇ ಬಂದರೂ ನಮಗೆ
ಸತ್ಯವ ನುಡಿವ ಹಾಗೆ ಮಾಡಿಸು||೩||
ನಡೆ ನುಡಿ ಎಲ್ಲವೂ ಒಳ್ಳೆಯವಿರಲಿ
ಎಲ್ಲರಲೂ ಸದ್ಗುಣ ಬೆಳೆಸು|
ವೀಣಾಪಾಣಿಯೇ ಶಾರದೆ ನೀನು
ಒಲಿದು ನಮಗೆ ಬೇಗನೇ ಹರಸು||೪||
ವಿದ್ಯೆಯನೆಂದೂ ಯಾರೂ ಕದಿಯರು
ದುಡ್ಡನು ಕೊಟ್ಟರೂ ಖರೀದಿಸಲಾಗದು|
ಜಗದ ಎಲ್ಲಡೆ ಬದುಕುವ ಧೈರ್ಯವು
ನಿನ್ನಿಂದಲೇ ತಾನೆ ದೊರಕುವದು||೫||
ಎಂತಹ ಸ್ಪರ್ಧೆಯು ಎಲ್ಲೆ ಇರಲಿ
ನಮ್ಮ ಶಾಲೆಯ ಮಕ್ಕಳೆ ಗೆಲ್ಲಲಿ|
ನಮ್ಮಿಂದ ನಮ್ಮ ಶಾಲೆಯ ಕೀರ್ತಿಯು
ಎಲ್ಲಡೆ ಹರಡುತಲೇ ಇರಲಿ||೬||
ರಚನೆ:ಡಾ.ಪ್ರಭು ಅ ಗಂಜಿಹಾಳ
ಮೊ:೯೪೪೮೭೭೫೩೪೬

ಲೇಖನದ ಬಗೆ

ಲೇಖಕರು

prabhu

ಸಿನಿಪ್ರಿಯ

ಬಾಗಲಕೋಟ ಜಿಲ್ಲೆ ಹುನಗು೦ದ ತಾಲೂಕ್ ಗುಡೂರು ಜನ್ಮಸ್ಥಳ.ತ೦ದೆ ಜಿ.ಎಸ್ .ಅನ್ನದಾನಿ ವಿಶ್ರಾ೦ತ ಬಿಡಿಓ.ಚುಟುಕು ಕವಿ,ಕತೆಗಾರರು.ನಾನು ಕವಿ,ಕತೆಗಾರ,ಸಿನೆಮಾ,ಟಿವಿ ಗ್]ಳಲ್ಲಿ ವಿವಿಧ ವಿಭಾಗಗಳಲ್ಲಿ ಕಾರ್ಯ ಮಾಡಿದ್ದೇನೆ.ಹಲವು ಪುಸ್ತಕಗಳು,ಹಾಡಿನ ಕ್ಯಾಸೆಟ್ ಗಳು ಬಿಡುಗಡೆಯಾಗಿವೆ..ಕನ್ನಡ ವ್ರುತ್ತಿರ೦ಗಭೂಮಿ ಮತ್ತು ಚಿತ್ರರ೦ಗ ಕುರಿತು ಕವಿವಿ ಇ೦ದ ೨೦೦೩ ರಲ್ಲಿ ಪಿ ಎಚ್ ಡಿ ಆಗಿದೆ.ಧಾರವಾಡ,ಚೆನ್ಯೆ ರೆಡಿಯೋ ಕೇ೦ದ್ರದಿ೦ದ ಸ್ವರಚಿತ ಕವಿತೆ ವಾಚನ,ಭಾಷಣ ಪ್ರಸಾರವಾಗಿವೆ,ಸಿನಿಮಾಗಳಿಗೆ ಸಹ ನಿರ್ದೇಶಕನಾಗಿ , ಕಲಾ ನಿರ್ದೇಶಕನಾಗಿ ಕಾರ್ಯ ನಿರ್ವಹಿಸಿದ್ದೇನೆ. ಕಸಾಪ ಆಜೀವ ಸದಸ್ಯ್,ರೋಣ ತಾಲೂಕ ಮಾಜಿ ಕಸಾಪ ಕಾರ್ಯದರ್ಶಿ.೨೦೧೩-೧೪ನೇ ಸಾಲಿಗೆ ಗದಗ ಜಿಲ್ಲಾ ಪದವಿ ಕಾಲೇಜ್ ಕನ್ನಡ ಅಧ್ಯಾಪಕರ ಪರಿಷತ್ ಉಪಾಧ್ಯಕ್ಷ 2014-15,ಗದಗ ಜಿಲ್ಲಾ ಕನಾ೯ಟಕ ಜಾನಪದ ಪರಿಷತ್ತು ಕಾಯ೯ದಶಿ೯ 2014-15,ಗದಗ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಗೌರವ ಕಾರ್ಯದರ್ಶಿಗಳು-೨೦೧೪,ರೋಟರಿ ಗದಗ ಸೆಂಟ್ರಲ್ ಸದಸ್ಯ್, ಕವಿವಿ ಧಾರವಾಡ ಪದವಿ ಮಹಾವಿದ್ಯಾಲಯಗಳ ಕನ್ನಡ ಅಧ್ಯಾಪಕರ ಪರಿಷತ್ ಸಹಕಾರ್ಯದರ್ಶಿ ೨೦೧೬. ರಾಜ್ಯ-ಹೊರರಾಜ್ಯ್ಗಗ ಳಲ್ಲಿ ಹಲವಾರು ಮಿತ್ರರಿದ್ದಾರೆ.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.