Skip to main content

ನನ್ನ ವೇಷ

ನನ್ನ ವೇಷ
ಇಂದ prabhu
ಬರೆದಿದ್ದುJanuary 11, 2019
noಅನಿಸಿಕೆ

ಅಜ್ಜ ನಿನ್ನ ಚಾಳೀಸ ಕೊಡು
ಹಾಕಿಕೊಳ್ಳುವೆ ನಾನು|
ಕೋಲನು ಹಿಡಿದು ಮೆಲ್ಲಗೆ ನಡೆದು
ಗಾಂಧೀ ತಾತಾ ಆಗುವೆನು||೧||
ಕೋಟನು ತೊಟ್ಟು ಗುಲಾಬಿ ಇಟ್ಟು
ಚಾಚಾ ನೆಹರು ಆಗುವೆನು|
ಸೈನಿಕ ವೇಷವ ಧರಿಸಿ ಇಂದೇ
ಸುಭಾಸಚಂದ್ರನಾಗಿ ಕಾಣುವೆನು||೨||
ಸಂವಿಧಾನದ ಪುಸ್ತಕ ಎದೆಗಿಟ್ಟು
ಬಾಬಾಸಾಹೇಬ್ ಆಗುವೆನು|
ಸತಿಸಹಗಮನ ಹೊಡೆದೋಡಿಸಿದ
ರಾಜಾರಾಮ ಮೋಹನರಾಯನು ನಾನು||೩||
ಕಾವಿಯ ಧರಿಸಿ ಪೇಟವ ಸುತ್ತಿ
ಸ್ವಾಮಿ ವಿವೇಕಾನಂದನಾಗುವೆನು|
ಸಾಧು ಸಂತ ಬಸವನಾಗಿ
ಪುರಾಣ ವಚನ ಹೇಳುವೇನು||೪||
ಬುದ್ದ ಏಸು ಪೈಗಂಬರ ಗುರುನಾನಕ
ಸೂಫಿ ಸಂತ ಆಗುವೆನು|
ದಾಸರ ಕೀರ್ತನೆ ಹಾಡುತ ಸಾಗಿ
ಜನಮನವ ಪರಿವರ್ತಿಸುವೆನು||೫||
ಹೀಗಿರುವಾಗ ಭೇದವು ಎಲ್ಲಿದೆ
ಎಲ್ಲವೂ ನಾನೇ ಆಗಿರುವೆ|
ನನ್ನ ಹಾಗೇ ಎಲ್ಲರೂ ಆದರೆ
ಜಗದಲಿ ಹಿಂಸೆ ಎಲ್ಲಿದೆ?||೬||
ಮಾನವ ಜನ್ಮವ ಪಡೆದ ನಾವು
ಅರಿತು ಬೆರೆತು ಬಾಳೋಣ|
ಜಾತಿ ಧರ್ಮದ ಹಂಗನು ತೊರೆದು
ಮಾನವ ಧರ್ಮವ ಉಳಿಸೋಣ||೭||
*ರಚನೆ:ಡಾ.ಪ್ರಭು ಅ ಗಂಜಿಹಾಳ
ಮೊ:೯೪೪೮೭೭೫೩೪೬

ಲೇಖನದ ಬಗೆ

ಲೇಖಕರು

prabhu

ಸಿನಿಪ್ರಿಯ

ಬಾಗಲಕೋಟ ಜಿಲ್ಲೆ ಹುನಗು೦ದ ತಾಲೂಕ್ ಗುಡೂರು ಜನ್ಮಸ್ಥಳ.ತ೦ದೆ ಜಿ.ಎಸ್ .ಅನ್ನದಾನಿ ವಿಶ್ರಾ೦ತ ಬಿಡಿಓ.ಚುಟುಕು ಕವಿ,ಕತೆಗಾರರು.ನಾನು ಕವಿ,ಕತೆಗಾರ,ಸಿನೆಮಾ,ಟಿವಿ ಗ್]ಳಲ್ಲಿ ವಿವಿಧ ವಿಭಾಗಗಳಲ್ಲಿ ಕಾರ್ಯ ಮಾಡಿದ್ದೇನೆ.ಹಲವು ಪುಸ್ತಕಗಳು,ಹಾಡಿನ ಕ್ಯಾಸೆಟ್ ಗಳು ಬಿಡುಗಡೆಯಾಗಿವೆ..ಕನ್ನಡ ವ್ರುತ್ತಿರ೦ಗಭೂಮಿ ಮತ್ತು ಚಿತ್ರರ೦ಗ ಕುರಿತು ಕವಿವಿ ಇ೦ದ ೨೦೦೩ ರಲ್ಲಿ ಪಿ ಎಚ್ ಡಿ ಆಗಿದೆ.ಧಾರವಾಡ,ಚೆನ್ಯೆ ರೆಡಿಯೋ ಕೇ೦ದ್ರದಿ೦ದ ಸ್ವರಚಿತ ಕವಿತೆ ವಾಚನ,ಭಾಷಣ ಪ್ರಸಾರವಾಗಿವೆ,ಸಿನಿಮಾಗಳಿಗೆ ಸಹ ನಿರ್ದೇಶಕನಾಗಿ , ಕಲಾ ನಿರ್ದೇಶಕನಾಗಿ ಕಾರ್ಯ ನಿರ್ವಹಿಸಿದ್ದೇನೆ. ಕಸಾಪ ಆಜೀವ ಸದಸ್ಯ್,ರೋಣ ತಾಲೂಕ ಮಾಜಿ ಕಸಾಪ ಕಾರ್ಯದರ್ಶಿ.೨೦೧೩-೧೪ನೇ ಸಾಲಿಗೆ ಗದಗ ಜಿಲ್ಲಾ ಪದವಿ ಕಾಲೇಜ್ ಕನ್ನಡ ಅಧ್ಯಾಪಕರ ಪರಿಷತ್ ಉಪಾಧ್ಯಕ್ಷ 2014-15,ಗದಗ ಜಿಲ್ಲಾ ಕನಾ೯ಟಕ ಜಾನಪದ ಪರಿಷತ್ತು ಕಾಯ೯ದಶಿ೯ 2014-15,ಗದಗ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಗೌರವ ಕಾರ್ಯದರ್ಶಿಗಳು-೨೦೧೪,ರೋಟರಿ ಗದಗ ಸೆಂಟ್ರಲ್ ಸದಸ್ಯ್, ಕವಿವಿ ಧಾರವಾಡ ಪದವಿ ಮಹಾವಿದ್ಯಾಲಯಗಳ ಕನ್ನಡ ಅಧ್ಯಾಪಕರ ಪರಿಷತ್ ಸಹಕಾರ್ಯದರ್ಶಿ ೨೦೧೬. ರಾಜ್ಯ-ಹೊರರಾಜ್ಯ್ಗಗ ಳಲ್ಲಿ ಹಲವಾರು ಮಿತ್ರರಿದ್ದಾರೆ.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.