ಸನ್ಗೊಂದು ರಿಕ್ವೇಸ್ಟ್
ಸಂಡೆ ಅಂತ ಗೊತ್ತಿದ್ರೂನೂ
ಹಿಂಗೇ ಬಂದ ಬಿಡೋದಾ|
ಇರೋ ಒಂದ್ ದಿನಾನಾದ್ರೂ
ಬಿಡದೆ ಕಾಟ ಕೊಡೋದಾ?||೧||
ಶಾಲೆಗೆ ಹೋಗೋದಿದೆಯಂತ
ದಿನವೂ ಬೇಗ ಏಳಬೇಕು|
ಅಪ್ಪನ ಗಾಡಿ ಒರೆಸಿಕೊಟ್ಟು
ಮನೆಯ ಕಸವ ಹೊಡೆಯಬೇಕು||೨||
ಅಮ್ಮ ತಿಂಡಿ ಮಾಡೋದ್ರಲ್ಲಿ
ಶಾಲೆಗೆ ತಯ್ಯಾರ್ ಆಗ್ಬೇಕು|
ಬ್ಯಾಗು ಸೈಕಲ್ಲಿಗೆ ಹಾಕಿ
ಬೆಲ್ ಹೊಡೆಯೋದ್ರಲ್ಲೆ ಓಡ್ಬೇಕು||೩||
ಪಾಠ ಆಟ ಊಟದ ನಡುವೆ
ಮಲಗೋಕೆ ವೇಳೆ ಎಲ್ಲಿದೆ?|
ಮೇಷ್ಟ್ರು ಕೊಡೋ ಹೋಂವರ್ಕೆಲ್ಲ
ಮುಗಿಸೆ ಮಲ್ಕೋಬೇಕಲ್ವೆ?||೪||
ತಂಗಿಯಂತೂ ಕೇಳೋರಿಲ್ಲ
ಅವಳು ಬಾಳ್ ಸಣ್ಣೋಳು|
ಅಮ್ಮ ಹೇಳೋ ಕೆಲ್ಸ ಎಲ್ಲ
ನೀನೇ ಮಾಡು ಅನ್ನೋಳು||೫||
ವಾರಪೂರ್ತಿ ಬಿಡದೆ ದುಡಿವೆ
ನಿದ್ರೆಗೆಲ್ಲಿ ವೇಳೇ ಇಲ್ಲ |
ದುಡಿದು ದಣಿದ ಮನಕೆ
ರೆಸ್ಟಂತೂ ಇಲ್ಲವೇ ಇಲ್ಲ||೬||
ಹೊರಗೆ ಕೊರೆವ ಚಳಿಯುಂಟು
ರಗ್ಗೊಳಗೆಂತ ಸುಖವುಂಟು|
ಅಮ್ಮಗೆ ಹೇಳಿ ರಗ್ಗನು ಕೊಡಿಸುವೆ
ಬೆಚ್ಚಗೆ ಮಲಗು ಖುಸಿಯುಂಟು||೭||
ಅದ್ಕೇ ನಿಂಗೆ ರಿಕ್ವೇಸ್ಟು
ಸಂಡೇನಾದ್ರೂ ಬಾ ಲೇಟು|
ಪ್ಲೀಸ್ ಕೇಳೋ ರವಿಮಾಮ
ಕೊಡುವೆ ಕ್ಯಾಡಬರಿ ಚಾಕಲೇಟು||೮||
ಹೊಸ ವರ್ಷಕೆ ಕ್ಯಾಲೆಂಡರ ಕೊಡುವೆ
ನಿತ್ಯ ನೋಡು ಲಕ್ಷಕೊಟ್ಟು |
ರಜೆಗಳ ದಿನಗಳಲೆಲ್ಲ
ಬಾರೋ ಲೇಟಾಗಿ ಒಂದಿಷ್ಟು||೯|\
....ಓ ಸನ್ನೆ..ನಿನಗೆ ..ಇದು..ನನ್ನ ಹಂಬಲ್ ರಿಕ್ವೇಸ್ಟು...
ರಚನೆ:ಡಾ.ಪ್ರಭು ಅ.ಗಂಜಿಹಾಳ
ಮೊ:೯೪೪೮೭೭೫೩೪೬
ಸಾಲುಗಳು
- 22 views
ಲೇಖಕರು
ಸಿನಿಪ್ರಿಯ
ಬಾಗಲಕೋಟ ಜಿಲ್ಲೆ ಹುನಗು೦ದ ತಾಲೂಕ್ ಗುಡೂರು ಜನ್ಮಸ್ಥಳ.ತ೦ದೆ ಜಿ.ಎಸ್ .ಅನ್ನದಾನಿ ವಿಶ್ರಾ೦ತ ಬಿಡಿಓ.ಚುಟುಕು ಕವಿ,ಕತೆಗಾರರು.ನಾನು ಕವಿ,ಕತೆಗಾರ,ಸಿನೆಮಾ,ಟಿವಿ ಗ್]ಳಲ್ಲಿ ವಿವಿಧ ವಿಭಾಗಗಳಲ್ಲಿ ಕಾರ್ಯ ಮಾಡಿದ್ದೇನೆ.ಹಲವು ಪುಸ್ತಕಗಳು,ಹಾಡಿನ ಕ್ಯಾಸೆಟ್ ಗಳು ಬಿಡುಗಡೆಯಾಗಿವೆ..ಕನ್ನಡ ವ್ರುತ್ತಿರ೦ಗಭೂಮಿ ಮತ್ತು ಚಿತ್ರರ೦ಗ ಕುರಿತು ಕವಿವಿ ಇ೦ದ ೨೦೦೩ ರಲ್ಲಿ ಪಿ ಎಚ್ ಡಿ ಆಗಿದೆ.ಧಾರವಾಡ,ಚೆನ್ಯೆ ರೆಡಿಯೋ ಕೇ೦ದ್ರದಿ೦ದ ಸ್ವರಚಿತ ಕವಿತೆ ವಾಚನ,ಭಾಷಣ ಪ್ರಸಾರವಾಗಿವೆ,ಸಿನಿಮಾಗಳಿಗೆ ಸಹ ನಿರ್ದೇಶಕನಾಗಿ , ಕಲಾ ನಿರ್ದೇಶಕನಾಗಿ ಕಾರ್ಯ ನಿರ್ವಹಿಸಿದ್ದೇನೆ. ಕಸಾಪ ಆಜೀವ ಸದಸ್ಯ್,ರೋಣ ತಾಲೂಕ ಮಾಜಿ ಕಸಾಪ ಕಾರ್ಯದರ್ಶಿ.೨೦೧೩-೧೪ನೇ ಸಾಲಿಗೆ ಗದಗ ಜಿಲ್ಲಾ ಪದವಿ ಕಾಲೇಜ್ ಕನ್ನಡ ಅಧ್ಯಾಪಕರ ಪರಿಷತ್ ಉಪಾಧ್ಯಕ್ಷ 2014-15,ಗದಗ ಜಿಲ್ಲಾ ಕನಾ೯ಟಕ ಜಾನಪದ ಪರಿಷತ್ತು ಕಾಯ೯ದಶಿ೯ 2014-15,ಗದಗ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಗೌರವ ಕಾರ್ಯದರ್ಶಿಗಳು-೨೦೧೪,ರೋಟರಿ ಗದಗ ಸೆಂಟ್ರಲ್ ಸದಸ್ಯ್, ಕವಿವಿ ಧಾರವಾಡ ಪದವಿ ಮಹಾವಿದ್ಯಾಲಯಗಳ ಕನ್ನಡ ಅಧ್ಯಾಪಕರ ಪರಿಷತ್ ಸಹಕಾರ್ಯದರ್ಶಿ ೨೦೧೬. ರಾಜ್ಯ-ಹೊರರಾಜ್ಯ್ಗಗ ಳಲ್ಲಿ ಹಲವಾರು ಮಿತ್ರರಿದ್ದಾರೆ.
ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ