Skip to main content

ತಮ್ಮ ಮಕ್ಕಳ ಕವಿತೆ

ತಮ್ಮ ಮಕ್ಕಳ ಕವಿತೆ
ಇಂದ prabhu
ಬರೆದಿದ್ದುDecember 25, 2018
noಅನಿಸಿಕೆ

ಅಮ್ಮ ಯಾಕೋ ತಮ್ಮ ನೋಡು
ಅಳುತಲಿರುವನು |
ಚಾಕಲೇಟು ಬಿಸ್ಕೀಟ್ ಬೇಕಾ
ಕೇಳಿ ಬಿಡಲೇನು? ||೧||

ಎತ್ತಿಕೊಂಡು ಸುತ್ತಿ ಸುಳಿದೆ
ತಕ್ಕಥೈ ಎಂದು ಕುಣಿದೆ |
ನಾಯಿ ಬೆಕ್ಕು ಆಡು ಹುಲಿಯು
ಎಲ್ಲ ಪ್ರಾಣಿ ಧ್ವನಿಯ ಗೈದೆ ||೨||

ಬುಗುರಿ ತಿರುಗಿಸಿ ಗಿರ ಗಿರ
ಕಾರು-ರೈಲು ಎಲ್ಲಾ ಬಿಟ್ಟೆ |
ಗೊಂಬೆ ಹಿಡಿದರೂ ಎದುರಲಿ
ಸುಮ್ಮನಾಗದಕ್ಕೆರಡು ಕೊಟ್ಟೆ ||೩||

ಎಂಥ ತಮ್ಮನ ಹಡೆದೆಯಮ್ಮ
ಬರೀ ಅಳುಬುರುಕ ಮುಂಜಿ |
ಹಗಲೂ ಇರುಳು ಅಳೊದೊಂದೇ
ನಿನ್ನ ಭಯವೇ ಇಲ್ಲ ಅಂಜಿ ||೪ ||

ಬಹುಶ: ಹೊಟ್ಟೆ ಹಸಿದಿರಬೇಕು
ಇಷ್ಟು ಅಳುವ ಸುಮ್ಮಗೆ |
ನನ್ನ ಪಾಲಿನ ಬಿಸ್ಕೀಟ್ ಚಾಕ್ಲೇಟ್
ಕೊಟ್ಟು ಬಿಡಮ್ಮ ತಮ್ಮಗೆ ||%||

ಅವಗೆ ಕೊಟ್ಟ್ ಬಿಸ್ಕೀಟ್ ಚಾಕ್ಲೇಟ್
ಮಣ್ಣಾಯ್ತೆಂದು ತಿಂದೆ ನಾನು |
ಅಷ್ಟಕ್ಕಿಷ್ಟು ರಂಪ ಹಿಡಿದ
ಮೊಂಡು ತಮ್ಮ ನೋಡು ||೬||

* ರಚನೆ:ಡಾ.ಪ್ರಭು ಅ ಗಂಜಿಹಾಳ್
ಮೊ:೯೪೪೮೭೭೫೩೪೬

ಲೇಖನದ ಬಗೆ

ಲೇಖಕರು

prabhu

ಸಿನಿಪ್ರಿಯ

ಬಾಗಲಕೋಟ ಜಿಲ್ಲೆ ಹುನಗು೦ದ ತಾಲೂಕ್ ಗುಡೂರು ಜನ್ಮಸ್ಥಳ.ತ೦ದೆ ಜಿ.ಎಸ್ .ಅನ್ನದಾನಿ ವಿಶ್ರಾ೦ತ ಬಿಡಿಓ.ಚುಟುಕು ಕವಿ,ಕತೆಗಾರರು.ನಾನು ಕವಿ,ಕತೆಗಾರ,ಸಿನೆಮಾ,ಟಿವಿ ಗ್]ಳಲ್ಲಿ ವಿವಿಧ ವಿಭಾಗಗಳಲ್ಲಿ ಕಾರ್ಯ ಮಾಡಿದ್ದೇನೆ.ಹಲವು ಪುಸ್ತಕಗಳು,ಹಾಡಿನ ಕ್ಯಾಸೆಟ್ ಗಳು ಬಿಡುಗಡೆಯಾಗಿವೆ..ಕನ್ನಡ ವ್ರುತ್ತಿರ೦ಗಭೂಮಿ ಮತ್ತು ಚಿತ್ರರ೦ಗ ಕುರಿತು ಕವಿವಿ ಇ೦ದ ೨೦೦೩ ರಲ್ಲಿ ಪಿ ಎಚ್ ಡಿ ಆಗಿದೆ.ಧಾರವಾಡ,ಚೆನ್ಯೆ ರೆಡಿಯೋ ಕೇ೦ದ್ರದಿ೦ದ ಸ್ವರಚಿತ ಕವಿತೆ ವಾಚನ,ಭಾಷಣ ಪ್ರಸಾರವಾಗಿವೆ,ಸಿನಿಮಾಗಳಿಗೆ ಸಹ ನಿರ್ದೇಶಕನಾಗಿ , ಕಲಾ ನಿರ್ದೇಶಕನಾಗಿ ಕಾರ್ಯ ನಿರ್ವಹಿಸಿದ್ದೇನೆ. ಕಸಾಪ ಆಜೀವ ಸದಸ್ಯ್,ರೋಣ ತಾಲೂಕ ಮಾಜಿ ಕಸಾಪ ಕಾರ್ಯದರ್ಶಿ.೨೦೧೩-೧೪ನೇ ಸಾಲಿಗೆ ಗದಗ ಜಿಲ್ಲಾ ಪದವಿ ಕಾಲೇಜ್ ಕನ್ನಡ ಅಧ್ಯಾಪಕರ ಪರಿಷತ್ ಉಪಾಧ್ಯಕ್ಷ 2014-15,ಗದಗ ಜಿಲ್ಲಾ ಕನಾ೯ಟಕ ಜಾನಪದ ಪರಿಷತ್ತು ಕಾಯ೯ದಶಿ೯ 2014-15,ಗದಗ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಗೌರವ ಕಾರ್ಯದರ್ಶಿಗಳು-೨೦೧೪,ರೋಟರಿ ಗದಗ ಸೆಂಟ್ರಲ್ ಸದಸ್ಯ್, ಕವಿವಿ ಧಾರವಾಡ ಪದವಿ ಮಹಾವಿದ್ಯಾಲಯಗಳ ಕನ್ನಡ ಅಧ್ಯಾಪಕರ ಪರಿಷತ್ ಸಹಕಾರ್ಯದರ್ಶಿ ೨೦೧೬. ರಾಜ್ಯ-ಹೊರರಾಜ್ಯ್ಗಗ ಳಲ್ಲಿ ಹಲವಾರು ಮಿತ್ರರಿದ್ದಾರೆ.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.