Skip to main content

ಪೃಕೃತಿ-ಪುರುಷ

ಇಂದ Geeta G Hegde
ಬರೆದಿದ್ದುApril 6, 2016
noಅನಿಸಿಕೆ

ಪ್ರಿಯೆ
ನಿನಗೊಪ್ಪುವ ಬ್ಲೌಸು
ಹೊಲಿದು ಕೊಡಲೆ
ಹಣುಕಿ ಹಾಕುವವರ
ಕಣ್ಣು ಕುಕ್ಕುವ ಹಾಗೆ.

ನವಿಲು ನಡಿಗೆಯ
ಬೆಳದಿಂಗಳ ಬಾಲೆ ನೀನು
ಉಡಿಸಲೆ ಬೆಳ್ಳನೆಯ
ಜರಿಯಂಚಿನ
ನಿನಗೊಪ್ಪುವ ಸೀರೆ.

ನಿನ್ನಂಗಳದ ತುಂಬ
ಮೆತ್ತನೆಯ
ಹೂವ ಹಾಸಿಗೆ ಹಾಸಿರುವೆ
ನಲ್ಲನ ಬರುವಿಕೆಗಾಗಿ
ಕಾದಿರುವ ಹರಿಣಿಯಂತೆ.

ನಿನ್ನ ಸೊಬಗಿನ ವೈಭೋಗಕೆ
ಸವರಿದೆ ನವಿರಾಗಿ
ಅಂಗಾಂಗದ ತುಂಬೆಲ್ಲ
ಘಮ್ಮೆನ್ನುವ
ರಸಿಕತೆಯ ಮುಲಾಮು.

ನೆತ್ತಿಗೆ ಸೂರ್ಯ
ಬರುವ ಮುನ್ನ
ಹಾಸಿರುವ ಕುಸುಮ
ಬಾಡಿಹೋಗುವ ಮುನ್ನ
ಬಾ ಬಾಚಿ ತಬ್ಬಿಕೊ ನನ್ನ.

ಬೀಸುವ ತಂಗಾಳಿಗೆ
ಚಿಗುರೆಲೆಗಳ ವಯ್ಯಾರದ
ಕುಡಿ ನೋಟದಿ ಸೆಳೆಯುವ
ಪುರುಷ ನಾನಲ್ಲವೆ
ನಿನ್ನ ಮನ್ಮಥ.

ಮುಂಬರುವ ಯುಗಾದಿಗೆ
ಮಿಡಿ ಕಾಯಾಗಿ
ಮಾಗಿ ಹಣ್ಣಾಗಿ
ತಳಿರು ತೋರಣಗಳ ವೈಭವದ
ಹಬ್ಬದೋಳಿಗೆ ಉಣಬಡಿಸು ಬಾ!

ಲೇಖಕರು

Geeta G Hegde

ಸಂಗೀತಾ ಕಲ್ಮನೆ

ನಾನು ಹುಟ್ಟಿದ್ದು ಉತ್ತರ ಕನ್ನಡದ ಚಿಕ್ಕ ಹಳ್ಳಿ.
ಓದಿದ್ದು ಅಲ್ಲಿ ಇಲ್ಲಿ, ಆಗ ಶಾಲೆಯ ಕೊರತೆ.ಕೋ-ಆಪರೇಟಿವ್ ಬ್ಯಾಂಕಿನಲ್ಲಿ 27ವಷ೯ಗುಮಾಸ್ತೆ(Cashier cum Typist)ಆಗಿ ಕೆಲಸ ಮಾಡಿದೆ.ಕಾಯಿಲೆ ಬಂದು ಕೆಲಸ ಬಿಡಬೇಕಾಯಿತು. ದಿನ ನಿತ್ಯ ಯೋಗಾಭ್ಯಾಸದಲ್ಲಿ ಈಗ ನಾ ನಿರೋಗಿ. ಮಧ್ಯೆ ಮದುವೆ, ಮಗಳು, ಸಂಸಾರ ತಾಪತ್ರಯ. ಬುದ್ಧಿ ಬಂದಾಗಿಂದ ಸಾಹಿತ್ಯ ರಚಿಸೋದು ನನ್ನ ಹವ್ಯಾಸ ಈಗ ಪೂತಿ೯ ಅದರಲ್ಲೆ ತೊಡಗಿಸಿಕೊಂಡಿದ್ದೇನೆ. ಇತ್ತೀಚೆಗೆ ಈ ಬರೆಯುವ ಹವ್ಯಾಸ ಹೆಚ್ಚಾಗಿ ನನ್ನದೆ ಬ್ಲಾಗ್ sandhyadeepablog. wordpress. com. ಕನ್ನಡ ಬ್ಲಾಗ್ ಮತ್ತು ಸಂಪದ, ಅವಧಿ, ನಿಲುಮೆ ಕನ್ನಡ ಬ್ಲಾಗ್ ನಲ್ಲಿ ಬರೆಯುತ್ತಿದ್ದೇನೆ. ನನ್ನ ಬರವಣಿಗೆ ಅಲ್ಲೂ ಮನೆ ಮಾಡಿದೆ.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.