Skip to main content

ವಿಸ್ಮಯ ನಗರಿ

ಇಂದ Geeta G Hegde
ಬರೆದಿದ್ದುFebruary 9, 2016
noಅನಿಸಿಕೆ

ವಿರಾಜಿಸುತ್ತಿದೆ ಕನ್ನಡದ ಸುಂದರ ವಿಸ್ಮಯ ನಗರಿ

ಸ್ಮರಿಸುತಿಹರು ದಿನವೂ ಕವಿ ಬಳಗದವರೆಲ್ಲ

ಯಶಸ್ವಿಯಾಗಿ ಬೆಳೆಯುತ್ತಿದೆ ಎಂಬ ಖುಷಿಯಲ್ಲಿ.

 

ನವ್ಯ ಕವಿಗಳಿಗೆ ಆಶ್ರಯ ಕಲ್ಪಿಸಿರುವೆ

ಗರಿಗೆದರಿ ಸಂಭ್ರಮಿಸುವರು ಬರೆದಾಗ ನಿನ್ನಲ್ಲಿ

ರಿಂಗಣಿಸುತ್ತಿದೆ ನಿನ್ನ ಪ್ರಭೆ ಎಲ್ಲರ ಮನದಲ್ಲಿ.

 

ಯಾರಿಟ್ಟರೆ ನೀನಗೀ ಸುಂದರ ಹೆಸರು?

ಸ್ಮರಿಸಿಕೊಂಡಾಗೆಲ್ಲ ಕಾಡುವೆ ಮನದಲ್ಲಿ ವಿಸ್ಮಯವಾಗಿ

ಕೈ ಎತ್ತಿ ಮುಗಿಯ ಬೇಕು ನಿನ್ನ ಸೃಷ್ಟಿಸಿದ ರಾಜನಿಗೆ!

 

ನಾಲ್ಕು ವಷ೯ದಲ್ಲಿ ಅನನ್ಯ ಸಾಧನೆ ತೋರಿಸಿರುವೆ

ಸಾವಿರಾರು ಮನದ ಕದವ ತಟ್ಟಿರುವೆ

ಇನ್ನೂ ಕೋಟಿ ಕವಿಗಳು ನಿನ್ನಂಗಳಕೆ ಬರಬೇಕು.

 

ಏನುಂಟು ಏನಿಲ್ಲ ಹೇಳು ನಿನ್ನ ಮಡಿಲಲ್ಲಿ

ಮುತ್ತಿನಂಥ ಮಾತು ಪಿಸುಮಾತಿನಲ್ಲಿ ಹಾಸ್ಯ ಸಂದೇಶ

ಕವನಗಳ ಡಂಗುರ ಸ್ನೇಹಿತರ ಬಳಗ ಇತರೆ ಇನ್ನೆನೇನೋ.

 

ಹೃದಯವಂತರೇ ಇಹರು ನಿನ್ನ ಊರಲ್ಲಿ

ಇಲ್ಲಿ ರಾಜಕೀಯವಿಲ್ಲ,ಮೇಲು ಕೀಳೆಂಬುದಿಲ್ಲ

ಪ್ರತಿಬೆಗೆ ಮುಕ್ತ ಮಣೆ ಹಾಕುವರು ನಿನ್ನವರು.

 

"ಸಜ್ಜನರ ಸಂಘ ಹೆಜ್ಜೇನು ಸವಿದಂತೆ"

ನೆನಪಿಸಿಕೊಳ್ಳುವರೆಲ್ಲ ಸುಂದರ ಕವಿ ವಾಣಿ

ಕೃತಜ್ಞತೆಯ ಭಾವ ಮೂಡಿಹುದು ಎಲ್ಲರ ಮನದಲ್ಲಿ.

 

ಬೆಳೆಯುತ್ತಲಿರಲಿ ನಿನ್ನ ಸಾಮ್ರಾಜ್ಯ ಎಲ್ಲ ದಿಕ್ಕಿನಲ್ಲಿ ,ನಿತ್ಯಪೂಜಿಸುವೆವು ಶಬ್ದಗಳ ತೋರಣ ಕಟ್ಟಿ ಅಕ್ಷರಗಳ ಮಾಲೆ ತೊಡಿಸಿ,ಹೃದಯ ಮಂದಿರದಲ್ಲಿ ದೀಪಹಚ್ಚಿ!

 

ಬನ್ನಿ,ಕನ್ನಡಾಂಬೆಯ ಸೇವೆಗೆ ಕೈ ಜೋಡಿಸೋಣ

ಉತ್ತಮವಾದ ಬರಹಕ್ಕೆ ಹಾಕೋಣ ವೋಟು

ಬರೆಯುವ ಕೈಗಳಿಗೆ ಮಾಡೋಣ ಸಪೋಟು೯.

 

ಹೆಚ್ಚು ಬರೆಯುವುದಿಲ್ಲ ಇದು ನನ್ನ ಬರಹದ ತೌರುಮನೆ

ಮರೆತರೂ ಮರೆಯಲಾಗದ ಋಣದ ನಂಟಿಹುದಿಲ್ಲಿ

ಬಂದು ಹೋಗುವೆನು ಆಗಾಗ ಬರಹದ ಬುತ್ತಿ ಹೊತ್ತು!

 

                      " ಜೈ ಭುವನೇಶ್ವರಿ"

 

 

 

 

 

 

 

 

 

 

 

 

 

ಲೇಖಕರು

Geeta G Hegde

ಸಂಗೀತಾ ಕಲ್ಮನೆ

ನಾನು ಹುಟ್ಟಿದ್ದು ಉತ್ತರ ಕನ್ನಡದ ಚಿಕ್ಕ ಹಳ್ಳಿ.
ಓದಿದ್ದು ಅಲ್ಲಿ ಇಲ್ಲಿ, ಆಗ ಶಾಲೆಯ ಕೊರತೆ.ಕೋ-ಆಪರೇಟಿವ್ ಬ್ಯಾಂಕಿನಲ್ಲಿ 27ವಷ೯ಗುಮಾಸ್ತೆ(Cashier cum Typist)ಆಗಿ ಕೆಲಸ ಮಾಡಿದೆ.ಕಾಯಿಲೆ ಬಂದು ಕೆಲಸ ಬಿಡಬೇಕಾಯಿತು. ದಿನ ನಿತ್ಯ ಯೋಗಾಭ್ಯಾಸದಲ್ಲಿ ಈಗ ನಾ ನಿರೋಗಿ. ಮಧ್ಯೆ ಮದುವೆ, ಮಗಳು, ಸಂಸಾರ ತಾಪತ್ರಯ. ಬುದ್ಧಿ ಬಂದಾಗಿಂದ ಸಾಹಿತ್ಯ ರಚಿಸೋದು ನನ್ನ ಹವ್ಯಾಸ ಈಗ ಪೂತಿ೯ ಅದರಲ್ಲೆ ತೊಡಗಿಸಿಕೊಂಡಿದ್ದೇನೆ. ಇತ್ತೀಚೆಗೆ ಈ ಬರೆಯುವ ಹವ್ಯಾಸ ಹೆಚ್ಚಾಗಿ ನನ್ನದೆ ಬ್ಲಾಗ್ sandhyadeepablog. wordpress. com. ಕನ್ನಡ ಬ್ಲಾಗ್ ಮತ್ತು ಸಂಪದ, ಅವಧಿ, ನಿಲುಮೆ ಕನ್ನಡ ಬ್ಲಾಗ್ ನಲ್ಲಿ ಬರೆಯುತ್ತಿದ್ದೇನೆ. ನನ್ನ ಬರವಣಿಗೆ ಅಲ್ಲೂ ಮನೆ ಮಾಡಿದೆ.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.