Skip to main content

ಮಂಟಪ

ಇಂದ Geeta G Hegde
ಬರೆದಿದ್ದುJanuary 27, 2016
noಅನಿಸಿಕೆ

ಭೂಮಿ ಆಕಾಶ

ಎರಡೂ ಒಂದೆ

ಇದಕ್ಕಿಲ್ಲ ತಡೆಗೋಡೆ

ಗಾಳಿ ಬೆಳಕಿನ

ಹಿಂಡುಗಳ ದಂಡು

ವಿಶಾಲ ಪ್ರಾಂಗಣ.

 

ನಿನ್ನಂಗಳದ ತುಂಬ

ರಂಗೋಲಿಯ ಸುಂದರ

ಚಿತ್ತಾರ ಬಿಡಿಸಿ

ಅರಿಶಿನ, ಕುಂಕುಮ

ರಂಗುಗಳಿಂದ ಶೃಂಗಾರಗೊಳಿಸಿ

ಹೂ ದಂಡೆಗಳೊಂದಿಗೆ

ಚುಕ್ಕಿ ದೀಪಗಳ ಮಾಲೆ ತೊಡಿಸಿ

ಹಸಿರು ತೋರಣಗಳ 

ಸೀರೆ ಉಡಿಸಿ

ಗೊನೆ ಬಾಳೆ ಬಳುಕುವ

ವೈಯ್ಯಾರವ ತೋರುತಿರಲು

ಯಾವ ಮದುಮಗಳಿಗೆ

ನೀ ಕಮ್ಮಿ ಹೇಳೆ!

 

ದಿಬ್ಬಣದ ಮೆರವಣಿಗೆಯಲ್ಲಿ

ಶಹನಾಯಿ ವಾದ್ಯವಿದ್ದರೂ

ಬಂದ ನೆಂಟರಿಷ್ಟರೆಲ್ಲ

ಕತ್ತೆತ್ತಿ ನೋಡುವುದು

ಮೊದಲು ನಿನ್ನನ್ನೆ

ಕಂಡು ಎಲ್ಲರ

ಮನಸ್ಸು ಅರಳುವುದು

ಸಂಭ್ರಮದಲ್ಲಿ

ಆಹಾ! ಎಷ್ಟು ಸುಂದರ.

 

ನಾ ಖಾಲಿ ಮಂಟಪ

ಎಂದು ಕೊರಗದಿರು

ಅಂದವಾಗಿ ಶೃಂಗಾರಗೊಂಡಲ್ಲಿ

ದೇವಲೋಕದ ಅಪ್ಸರೆಯರನ್ನೇ

ನಿನ್ನ ಮುಂದೆ ನಿವಾಳಿಸುವಷ್ಟು

ನೀ ಸುರಸುಂದರಾಂಗಿ!

 

ದೇವರು ಕೊಟ್ಟ ರೂಪ,ಜೀವನ

ಪಾಲಿಗೆ ಬಂದ ಪಂಚಾಮೃತವೆಂದು ಸ್ವೀಕರಿಸಿ

ನೋಡುವ ದೃಷ್ಟಿ, ಭಾವನೆ ಬದಲಾದಲ್ಲಿ

ಎಲ್ಲವೂ ಸುಃಖಮಯ

ಅದಿಲ್ಲವಾದರೆ

ಬದುಕೆಂಬುದು ಸದಾ

ಖಾಲಿ ಮಂಟಪ!

 

 

 

 

 

 

ಲೇಖಕರು

Geeta G Hegde

ಸಂಗೀತಾ ಕಲ್ಮನೆ

ನಾನು ಹುಟ್ಟಿದ್ದು ಉತ್ತರ ಕನ್ನಡದ ಚಿಕ್ಕ ಹಳ್ಳಿ.
ಓದಿದ್ದು ಅಲ್ಲಿ ಇಲ್ಲಿ, ಆಗ ಶಾಲೆಯ ಕೊರತೆ.ಕೋ-ಆಪರೇಟಿವ್ ಬ್ಯಾಂಕಿನಲ್ಲಿ 27ವಷ೯ಗುಮಾಸ್ತೆ(Cashier cum Typist)ಆಗಿ ಕೆಲಸ ಮಾಡಿದೆ.ಕಾಯಿಲೆ ಬಂದು ಕೆಲಸ ಬಿಡಬೇಕಾಯಿತು. ದಿನ ನಿತ್ಯ ಯೋಗಾಭ್ಯಾಸದಲ್ಲಿ ಈಗ ನಾ ನಿರೋಗಿ. ಮಧ್ಯೆ ಮದುವೆ, ಮಗಳು, ಸಂಸಾರ ತಾಪತ್ರಯ. ಬುದ್ಧಿ ಬಂದಾಗಿಂದ ಸಾಹಿತ್ಯ ರಚಿಸೋದು ನನ್ನ ಹವ್ಯಾಸ ಈಗ ಪೂತಿ೯ ಅದರಲ್ಲೆ ತೊಡಗಿಸಿಕೊಂಡಿದ್ದೇನೆ. ಇತ್ತೀಚೆಗೆ ಈ ಬರೆಯುವ ಹವ್ಯಾಸ ಹೆಚ್ಚಾಗಿ ನನ್ನದೆ ಬ್ಲಾಗ್ sandhyadeepablog. wordpress. com. ಕನ್ನಡ ಬ್ಲಾಗ್ ಮತ್ತು ಸಂಪದ, ಅವಧಿ, ನಿಲುಮೆ ಕನ್ನಡ ಬ್ಲಾಗ್ ನಲ್ಲಿ ಬರೆಯುತ್ತಿದ್ದೇನೆ. ನನ್ನ ಬರವಣಿಗೆ ಅಲ್ಲೂ ಮನೆ ಮಾಡಿದೆ.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.