Skip to main content
ksrtc ticket

ಬಸ್ ಟಿಕೆಟ್ ಅಲ್ಲಿ ಕನ್ನಡ

ಬರೆದಿದ್ದುNovember 15, 2014
2ಅನಿಸಿಕೆಗಳು
ಇಂದು ಕನ್ನಡ ಹೊರಾಟಗರಿಗೆ ಹಲವು ರಂಗದಲ್ಲಿ ಕನ್ನಡಮ್ಮನ ಪರವಾಗಿ ಹೋರಾಡುವ ಅವಕಾಶಗಳಿವೆ. ಕನ್ನಡಮ್ಮನ ಕಣ್ಣೀರನ್ನು ಒರೆಸುವ ಪ್ರಯತ್ನ ಯಾಕೆ ಮಾಡುತ್ತಿಲ್ಲ?

ಲ್ಲಾಪುರದಲ್ಲಿ ಬಸ್ ಹತ್ತಿ ಟಿಕೆಟ್ ತೆಗೆದು ಕೊಂಡೆ. ಆಗ ಸುಮ್ಮನೆ ಟಿಕೆಟ್ ಗಮನಿಸಿದಾಗ ನನಗೆ ಆಶ್ಚರ್ಯ. ಯಾಕೆ ಹೀಗೆ ಅನ್ನುವ ಕುತೂಹಲ.ಈ ಟಿಕೆಟ್ ಒಮ್ಮೆ ಗಮನಿಸಿ. ಮೂರು ಕಾಸಿಗೆ ಪ್ರಯೋಜನ ಬಾರದ ವಿಷಯಗಳನ್ನು ಕನ್ನಡದಲ್ಲಿ ಬರೆದಿದ್ದಾರೆ. ಪ್ರಯಾಣಿಕರಿಗೆ ನಿಜಕ್ಕೂ ಪ್ರಯೋಜನ ಆಗುವ ವಿಷಯ ಇಂಗ್ಲಿಷ್ ಅಲ್ಲಿವೆ.

ಇಂಗ್ಲಿಷ್ ಅಲ್ಲಿ ಏನಿವೆ?

  • ಎಲ್ಲಿಂದ ಎಲ್ಲಿಗೆ ಪ್ರಯಾಣ
  • ದೂರ
  • ಬಸ್ ಬಗೆ
  • ವರ್ಗಾವಣೆ ಸಾಧ್ಯ ಇಲ್ಲ ಅನ್ನುವ ಸೂಚನೆ
  • ಪೂರ್ತಿ ಅಥವಾ ಅರ್ಧ ಟಿಕೆಟ್ ಅನ್ನುವ ಮಾಹಿತಿ

ಕನ್ನಡದಲ್ಲಿ ಏನನ್ನು ಬರೆದಿದ್ದಾರೆ?

  • ವಾಕರಸಾಸಂ, ಹಳಿಯಾಳ
  • ಮೊತ್ತ ರೂ
  • ಮತದಾನ ನನ್ನ ಹಕ್ಕು. ಅದನ್ನು ನಾನು ಚಲಾಯಿಸುವೆ.

ಪ್ರಾಮಾಣಿಕತೆಯಿಂದ ಒಮ್ಮೆ ಕೂಲಂಕಶವಾಗಿ ಗಮನಿಸಿ. ಕನ್ನಡದಲ್ಲಿ ಪ್ರಯಾಣಿಕರಿಗೆ ಕಿಂಚಿತ್ ಉಪಯೋಗಕ್ಕೆ ಬಾರದ ವಿಷಯ ,ಇಂಗ್ಲಿಷ್ ಅಲ್ಲಿ ಉಪಯುಕ್ತ ಮಾಹಿತಿ. ಇಂದು ಕನ್ನಡಿಗರು ಮಕ್ಕಳನ್ನು ಇಂಗ್ಲಿಷ್ ಮಾಧ್ಯಮಕ್ಕೆ ಸೇರಿಸುತ್ತಿರುವದಕ್ಕೆ ಬರಿ ಉನ್ನತ ಶಿಕ್ಷಣ ಮಾತ್ರ ಕಾರಣ ಅಲ್ಲ. ಕನ್ನಡದಲ್ಲಿ ಬೇಕಾದ ಮಾಹಿತಿ ನೀಡದಿರುವದು ಕಾರಣ.

ಇಂದು ಕನ್ನಡ ಹೋರಾಟ ಇಂತಹ ಸಮಸ್ಯೆಗಳ ಪರಿಹಾರಕ್ಕೆ ಯಾಕೆ ಪ್ರಯತ್ನಿಸದು? ಕನ್ನಡ ಸಮ್ಮೇಳನಗಳು ಕನ್ನಡಕ್ಕೆ ಯಾವ ರೀತಿಯಲ್ಲಿ ಪ್ರಯೋಜಕ? ಎನ್ನುವ ಪ್ರಶ್ನೆ ನನ್ನನ್ನು ಕಾಡಿದೆ. ನಿಮಗೆ?

ಲೇಖಕರು

ರಾಜೇಶ ಹೆಗಡೆ

ಕಂಡದ್ದು ಕಂಡ ಹಾಗೆ

ಸಾಫ್ಟವೇರ್ ಇಂಜನಿಯರ್. ಕನ್ನಡದಲ್ಲಿ ಸಾಫ್ಟವೇರ್ ತಯಾರಿಸುವದು ನನ್ನ ಹವ್ಯಾಸ. ಆಗಾಗ ಲೇಖನ ಬರೀತಿನಿ ಆದ್ರೆ ಅದರಲ್ಲಿ ಪಳಗಿದವನಲ್ಲ.

ಅನಿಸಿಕೆಗಳು

ಕೆಎಲ್ಕೆ ಮಂಗಳ, 11/18/2014 - 14:27

ಹಾಯ್, ರಾಜೇಶ್. ನಮಸ್ಕಾರ. ಸುತ್ತಲಿನ ಸೂಕ್ಷ್ಮಗಳನ್ನು ಗಮನಿಸಿ ಅದನ್ನು ಇತರರ ಗಮನಕ್ಕೂ ತರುವ ತಮ್ಮ ಪ್ರಯತ್ನಕ್ಕೆ ಟಿಕೆಟ್ಟು ಒಂದು ನೆವವಾದದ್ದು ಸಂತೊಷ ! ತಮ್ಮ ಕನ್ನಡ ಪ್ರೀತಿ ನಿರ್ವಿವಾದಿತ! ಅಂದಹಾಗೆ, ಯಲ್ಲಾಪುರದಿಂದ ಹೊರಟದ್ದೆಲ್ಲಿಗೆ ಎಂಬುದನ್ನು ಕೆಂಬಣ್ಣದಲ್ಲಿ ಮುಚ್ಚಿದ್ದು ಯಾಕೆ ಎಂಬ ಕುತೂಹಲ ನಮ್ಮೆಲ್ಲರಿಗೂ.....:) :)-

ರಾಜೇಶ ಹೆಗಡೆ ಧ, 11/19/2014 - 06:05

ನಮಸ್ಕಾರ ಕೆಎಲ್ಕೆ ಅವರೇ,

ಹೇಗಿದ್ದೀರಾ?

ನಿಮ್ಮ ಅನಿಸಿಕೆಗೆ ಧನ್ಯವಾದಗಳು :) ಇಂತಹ ಹಲವು ಸೂಕ್ಷ್ಮಗಳೇ ಕನ್ನಡದ ನಿಜವಾದ ನಾಶಕ್ಕೆ ನಾಂದಿ ಹಾಡುತ್ತಿರುವದು. ನಾವು ಅದನ್ನು ಸರಿಪಡಿಸಿದಾಗ ಕನ್ನಡ ತನ್ನಿಂದ ತಾನೇ ಬೆಳೆಯುತ್ತದೆ. ವಿಸ್ಮಯ ನಗರಿ ಸಾಮಾಜಿಕ ತಾಣದಲ್ಲಿ ಹೋದ ಜಾಗ ಬಹಿರಂಗ ಪಡಿಸುವದು ಬೇಡ ಎಂದು ಸುಮ್ಮನೆ ಮುಚ್ಚಿದ್ದು. ;)

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.