Skip to main content

ಉದಯ ರವಿಗೆ ಸ್ವಾಗತ

ಬರೆದಿದ್ದುJune 11, 2013
noಅನಿಸಿಕೆ

ಆಗಸದಲ್ಲಿ ಕತ್ತಲು ಕವಿಯುತ್ತಿದ್ದಂತೆ ಕಪ್ಪು ಮೋಡಗಳು ಆಕ್ರಮಿಸಿದವು


ದಾಳಿಮಾಡಲು ಇಳೆಯ ಮೇಲೆ


ಬೇಸಿಗೆಯ ಬಿಸಿಲಿಗೆ ತತ್ತರಿಸಿದ ಇಳೆಯ ಹಸನುಮಾಡಲು


ಎಡೆಬಿಡದೆ ಸುರುಸಿದವು ಮುತ್ತಿನ ಹನಿಗಳನ್ನು


ಚಿಟಪಟ,ಚಿಟಪಟ ತದೇಕ ಚಿತ್ತದಿಂದ ಹೊಮ್ಮಿದ ನಾದಸ್ವರ


ಸಂಗೀತ ಕಛೇರಿ ಮುಗಿದದ್ದು ಯಾವಾಗಲೋ!


ಬೆಳಗಿನ ಹಕ್ಕಿಗಳ ಚಿಲಿಪಿಲಿ ದನಿ ಕೇಳಿಸಲಿಲ್ಲ


ಮೌನ ಆಕ್ರಮಿಸಿತ್ತು ಮುಂಜಾನೆಯ ಸಮಯದಲ್ಲಿ


ರಸ್ತೆ ಬದಿಯಲ್ಲೇ ನಿಂತ ದೇವದೂತರು ನಿದ್ರಾಪರವಶರಾಗಿದ್ದರು


ಆಕಾಶ ಕಳೆಗಟ್ಟಿತು


ಬೇಸರಿಸಿತು ಮನ


ಏಕಾಂಗಿ ಸಂಚಾರಿ ನಾನು


ಸಮಯ ಹೊರಳಿತು,ತಂಗಾಳಿ ಬೀಸಿತು


ಮರಗಿಡಗಳ ಮರ್ಮರ ಸಂಗೀತ ಹಬ್ಬಿತು


ಹೊಸ ಚೈತನ್ಯ ಹರಡಿತು


ಕೋಗಿಲೆ,ಕಾಗೆ.ಗೊರವಂಕ ಹಕ್ಕಿಗಳು


ಉದಯ ರವಿಗೆ ಸುಪ್ರಭಾತದ ಸ್ವಾಗತ ಕೋರಿದವು.

ಲೇಖಕರು

Nagendra Kumar K S

ಎಲ್ಲಿ ಜಾರಿತೋ ಮನವು........

ನನ್ನ ಕಾಲೇಜಿನ ದಿನಗಳಲ್ಲಿ ನನ್ನ ಭಾವನೆಗಳನ್ನು ಹೇಳಿಕೊಳ್ಳುವ ಒಂದು ಮಾಧ್ಯಮವನ್ನಾಗಿ ಬರವಣಿಗೆ ಆರಂಬಿಸಿದೆ. ಅದೇ ಒಂದು ಪ್ರೇರಣೆ ಇಲ್ಲಿಯವರೆವಿಗೂ ಎಳೆದುತಂದಿದೆ. ನೂರಕ್ಕೂ ಹೆಚ್ಚು ಕವನಗಳನ್ನು ಬರೆದಿದ್ದೇನೆ, ಆದರೆ ಎಲ್ಲೂ ಪ್ರಕಟಣೆಗೆ ಕೊಟ್ಟಿಲ್ಲ. ನನ್ನಲ್ಲಿರುವ ಅಗಾಧವಾದ ಶಕ್ತಿ ಸುಮ್ಮನೆ ವ್ಯರ್ಥವಾಗುತ್ತಿದೆ ಎನ್ನುವ ಭಾವನೆ ಬಂದ ಮೇಲೆ ನನ್ನ ಕವನಗಳನ್ನು ಓದುಗರ ಮುಂದಿಟ್ಟು ನನ್ನ ಯೋಗ್ಯತೆಯನ್ನು ತಿಳಿದುಕೊಳ್ಳಬೇಕೆಂಬ ಹಂಬಲದಿಂದ ಇಲ್ಲಿಗೆ ಬಂದಿದ್ದೇನೆ. ಹಾಗೆ ನನ್ನ ಎಲ್ಲಾ ಕವನಗಳನ್ನು ಈ ಕೆಳಕಂಡ ಬ್ಲಾಗ್ ನಲ್ಲಿ ಕೂಡ ಓದಬಹುದಾಗಿದೆ, ಓದಿ ನಿಮ್ಮ ಅಭಿಪ್ರಾಯಗಳನ್ನು ತಪ್ಪದೇ ದಾಖಲಿಸಿ.
http://www.anisha-mypoems.blogspot.com

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.