Skip to main content

ಟಾಟಾ ಡೊಕೊಮೊ: ನೀನ್ಯಾಕೆ ಹಿಂಗಮ್ಮೋ?

ಬರೆದಿದ್ದುAugust 4, 2009
noಅನಿಸಿಕೆ

ಮೊಬೈಲ್ ಫೋನು ಸೇವೆ ನೀಡಲು ಮಾರುಕಟ್ಟೆಗೆ ಹೊಸದಾಗಿ ಇಳಿದಿರುವ ಕಂಪನಿ "ಟಾಟಾ ಡೊಕೊಮೊ ".
ಟಾಟಾ ಮತ್ತು ಜಪಾನಿನ ಡೊಕೊಮೊ ಸಹಭಾಗಿತ್ವದಲ್ಲಿ ಜಿ.ಎಸ್.ಎಂ ಸೇವೆ ನೀಡಲಿರುವ ಇವರಿಗೆ "ಇಂಗ್ಲಿಷ್-ನಲ್ಲಿ ಜಾಹೀರಾತು ನೀಡಿದರೆ ಹೆಚ್ಚು ಗ್ರಾಹಕರು ಸಿಗಬಹುದು" ಎಂದು ತಪ್ಪು ತಪ್ಪಾಗಿ ಅದ್ಯಾರು ಹೇಳಿದರೋ ಗೊತ್ತಿಲ್ಲ. ಇವರ ಜಾಹೀರಾತು ಹೋರ್ಡಿಂಗ್-ಗಳಲ್ಲಿ ಇಂಗ್ಲಿಷ್-ನಲ್ಲಿ ದೊಡ್ಡದಾಗಿ, ಕನ್ನಡದಲ್ಲಿ ಚಿಕ್ಕದಾಗಿ ತನತೆಗೆ ತಲುಪಿಸಬೇಕಾದ ಮಾಹಿತಿ ಮುದ್ರಿಸಿದ್ದಾರೆ (ಲಗತ್ತಿಸಿರುವ ಚಿತ್ರ ನೋಡಿ).

ಮೊಬೈಲ್ ಫೋನ್ ಸೇವೆ ಎಂಬ ತುಂಬಿದ ಮಾರುಕಟ್ಟೆಯಲ್ಲಿ ಗ್ರಾಹಕರನ್ನು ಸಂಪಾದಿಸುವುದು ಸುಲಭವಲ್ಲ.
ಲೇಖನದಲ್ಲಿ ವಿವರಿಸಿರುವಂತೆ, ಕರ್ನಾಟಕದ ಐದೂವರೆ ಕೋಟಿ ಜನರಲ್ಲಿ ಮೊಬೈಲ್ ಬಳಕೆದಾರರ ಸಂಖ್ಯೆ ಒಂದೂವರೆ ಕೋಟಿ. ಇನ್ನುಳಿದ ಜನರನ್ನು ಗ್ರಾಹಕರನ್ನಾಗಿ ಪಡೆಯಲು ಮೊಬೈಲ್ ಸೇವೆ ಕಂಪನಿಗಳು ಸರಿಯಾದ ಭಾಷಾ ನೀತಿ ಅಳವಡಿಸಿಕೊಳ್ಳಬೇಕು ಎಂಬುದು ಮೇಲ್ನೋಟಕ್ಕೇ ಕಾಣುತ್ತದೆ. ಇಲ್ಲವಾದಲ್ಲಿ, ನಿಜವಾದ ಮಾರುಕಟ್ಟೆಯ ಕೇವಲ ೨೭% ಮಾತ್ರಕ್ಕೆ ಏಳು ಕಂಪನಿಗಳು ತೃಪ್ತಿ ಪಟ್ಟುಕೊಳ್ಳಬೇಕು.
ಈ ಕಂಪನಿಗಳವರು ತಮ್ಮ ಮಾರುಕಟ್ಟೆಯನ್ನು, ಮತ್ತದರ ಬಗೆಗಿನ ನಿಲುವನ್ನು ಗ್ರಾಹಕನ ಭಾಷೆಯ ಕಣ್ಣಿನಿಂದ ನೋಡುವವರೆಗೂ ಈ ಹೆಚ್ಚಿನ ಮಾರುಕಟ್ಟೆಯನ್ನು ಗೆಲ್ಲಲು ಅಸಾಧ್ಯವಾಗಿರುತ್ತದೆ.

ಟಾಟಾ ಡೊಕೊಮೊ-ರವರು, "ಕರೆಯ ಬಿಲ್-ಅನ್ನು ಸೆಕೆಂಡಿನಂತೆ ಅಳೆಯುವುದೇ ನಮ್ಮ ಸೇವೆಯ ವಿಶೇಷತೆ" ಎಂಬುದು ಜನರಿಗೆ ಅರ್ಥವಾಗುವ ರೀತಿಯಲ್ಲಿ ಅವರ ಭಾಷೆಯಲ್ಲಿ ಹೇಳುವುದು ಅವಶ್ಯಕ. ಹಾಗೆ ಮಾಡಿದರೆ ಹೆಚ್ಚು ಜನರನ್ನು ಆಕರ್ಷಿಸಿ ಗ್ರಾಹಕರನ್ನಾಗಿ ಪಡೆಯಬಹುದು.ಹೊಸದಾಗಿ ಬಂದಿರುವ ಟಾಟಾ ಡೊಕೊಮೊ ಕಂಪೆನಿಗೆ ಜಾಹೀರಾತಿನಲ್ಲಿ ಭಾಷೆಯ ಮಹತ್ವ ತಿಳಿದಂತಿಲ್ಲ. ಅಂಬೆಗಾಲು ಇಟ್ಟುಕೊಂಡು ತಪ್ಪು ದಾರಿಯಲ್ಲಿ ಹೋಗುವ ಬದಲು, ಭಾಷೆಯನ್ನು ಸೂಕ್ತ ರೀತಿಯಲ್ಲಿ ಬಳಸುವ ಸರಿ ದಾರಿಯಲ್ಲಿ ನಡೆದರೆ, ಬಹಳ ಬೇಗ ದೊಡ್ಡದಾಗಿ ಬೆಳೆಯಬಹುದು.

ಬನ್ನಿ, ಟಾಟಾ ಡೊಕೊಮೊ ರವರಿಗೆ ಮಿಂಚೆ ಬರೆದು, ಕನ್ನಡ ಬಳಕೆಯಿಂದಾಗುವ ಲಾಭಗಳ ಬಗ್ಗೆ ತಿಳಿಸೋಣ.
ಗ್ರಾಹಕರ ಭಾಷೆ ಮಾತನಾಡುವುದರಿಂದ ಅತ್ಯಮೂಲ್ಯವಾದ "ಗ್ರಾಹಕರ ನಂಬಿಕೆ" ಗಳಿಸಬಹುದು ಎಂದು ಹೇಳೋಣ.
ಕೇವಲ ಹೋರ್ಡಿಂಗ್-ಗಳಲ್ಲಿ ಮಾತ್ರವಲ್ಲದೇ, ಗ್ರಾಹಕರಿಗೆ ಹಂಚಲ್ಪಡುವ ಕೈಪಿಡಿ, ಕಡತ, ಅರ್ಜಿ, ರಶೀದಿ ಎಲ್ಲೆಡೆ ಕನ್ನಡ ಬಳಸುವುದರಿಂದ ಹೆಚ್ಚೆಚ್ಚು ಗ್ರಾಹಕರನ್ನು ಪಡೆಯಬಹುದು ಎಂಬ ಸಂದೇಶ ರವಾನಿಸೋಣ.
ಜಪಾನೀ ಗುಣಮಟ್ಟದ ಸೇವೆ ಕನ್ನಡಿಗರಿಗೆ ಕನ್ನಡದಲ್ಲೇ ಸಿಗುವಂತೆ ಮಾಡೋಣ.

ಇವರ ಮಿಂಚೆ: listen@tatadocomo.com

jaagruta graahakaru/ಜಾಗೃತ ಗ್ರಾಹಕರು

ಲೇಖಕರು

ಪ್ರಿಯಾಂಕ್

ಸಮಯ ಸಿಕ್ಕಾಗ ತಿಳಿಸುತ್ತೇನೆ.
ಸದ್ಯಕ್ಕೆ ಕ್ಷಮೆ ಇರಲಿ.

ಈ ಲೇಖನದ ಬಗ್ಗೆ ನಿಮ್ಮ ಅನಿಸಿಕೆ ತಿಳಿಸಿ

The content of this field is kept private and will not be shown publicly.