ಅಮ್ಮ ಯಾಕೋ ತಮ್ಮ ನೋಡು
ಅಳುತಲಿರುವನು |
ಚಾಕಲೇಟು ಬಿಸ್ಕೀಟ್ ಬೇಕಾ
ಕೇಳಿ ಬಿಡಲೇನು? ||೧||

ಎತ್ತಿಕೊಂಡು ಸುತ್ತಿ ಸುಳಿದೆ
ತಕ್ಕಥೈ ಎಂದು ಕುಣಿದೆ |
ನಾಯಿ ಬೆಕ್ಕು ಆಡು ಹುಲಿಯು
ಎಲ್ಲ ಪ್ರಾಣಿ ಧ್ವನಿಯ ಗೈದೆ ||೨||

ರಾಮ ರಹೀಮ ಜಾನಿ ನಾಣಿ
ಎಂಕು ಸೀನ ಸೇರಿದರು |
ಸೀತಾ ಗೀತಾ ಲೈಲಾ ರಜಿಯಾ
ಓಡೋಡಿ ಬಂದು ಸೇರಿದರು ||೧||

ರೈಲಿನ ಆಟ ಆಡೋಣ ಎನುತ
ಭೀಮನು ಮುಂದೆ ನಿಂತನು |
ಒಬ್ಬರ ಹಿಂದೊಬ್ಬರು ನಿಲ್ಲುತ
ಹಿಡಿದರು ಅಂಗಿಯ ಚುಂಗನು ||೨||

ಅಮ್ಮ ಅಮ್ಮ ನೋಡಮ್ಮ
ಹ್ಯಾಗ್ಯಾಗೆ ಮಾಡ್ತಾಳೆ |
ಮೂಗನು ಮುರಿದು ಬಾಯನು ಹೊರಳಿಸಿ
ಪ್ಯಾ ಪ್ಯಾ ಮಾಡ್ತಾಳೆ ||೧||
ಕಣ್ಣನು ಹಿಗ್ಗಿಸಿ ತುಟಿಗಳ ಕಚ್ಚಿ
ಮ್ಯಾಂವ್ ಮ್ಯಾಂವ್ ಅಂತಾಳೆ |
ಕಿವಿಯನು ಎಳೆದು ಕೆನ್ನೆಯ ಉಬ್ಬಿಸಿ
ಬೌ ಬೌ ಅಂತಾಳೆ ||೨||