ಇರುವೆ ಇರುವೆ ಎಲ್ಲೆಲ್ಲೂ ಇರುವೆ
ಸರ ಸರ ಎಲ್ಲಿಗೆ ಹೊರಟಿರುವೆ?|
ಸರತಿಯ ಸಾಲಲಿ ಸಾಗುತ ನೀ
ಶಿಸ್ತಿನ ಸಿಪಾಯಿ ಆಗಿರುವೆ||೧||
ನೆಲ ಗೋಡೆ ಗಿಡ ಬಳ್ಳಿಗಳ
ಎಲ್ಲೆಂದರಲ್ಲಿ ನೀ ಇರುವೆ|
ಸಿಹಿ ಸಿಹಿ ರುಚಿಗೆ ಮುತ್ತಿಗೆ ಹಾಕಿ
ಸವಿಯನೆ ಮೆಲ್ಲುತ ಇರುವೆ||೨||
ಶೇಂಗಾ ಪುಟಾಣಿ ಖೊಬ್ರಿಗಳೆಲ್ಲ

ಯಾಕಣ್ಣ ಸೂರ್ಯ ಬೇಸಿಗೆ ಮೊದಲೆ
ಹೀಗೆ ಉರಿಯೋದು ?|
ಬೆಳಗಿನ ವೇಳೆಯೇ ಸುಡುತ ಬಂದ್ರೆ
ಹೇಗೆ ಬದುಕೋದು? ||೧||
ಕುಳಿತರೂ ನಿಂತರೂ ಸಮಾಧಾನವಿಲ್ಲ
ಜೀವಕೆ ಚಡಪಡಿಕೆಯೆಲ್ಲ|
ನೀರನು ಕುಡಿದರೂ ನೆಮ್ಮದಿಯಿಲ್ಲ
ಬಾಯರಿಕೆ ನೀಗುತ್ತಿಲ್ಲ||೨||
ಹಸಿವು ಹತ್ತಿರ ಸುಳಿಯುತ್ತಿಲ್ಲ
ತಂಪು ಪಾನೀಯ ಬೇಕಲ್ಲ|

ಅಪ್ಪ ನಾನು ಹೊಲಕೆ ಹೋಗುವೆ
ಬಂಡಿಗೆ ಎತ್ತನು ಕಟ್ಟಿಕೊಡು|
ನೇಗಿಲು ಹೊಡೆದು ಹೊಲವನು ಉಳುವ
ಕೆಲಸವ ನನಗೆ ಕಲಿಸಿಕೊಡು||೧||
ಬೆಳ್ಳನೆ ಜೋಡೆತ್ತಿಗೆ
ಕೊಂಬಣಸನು ಹಾಕಿ ಬಿಡು|
ಡಂಬರಗಿಗೆ ಹಗ್ಗವ ಸುತ್ತಿ
ಬಾರಕೋಲನು ಹೆಗಲಿಗಿಡು||೨||
ಹಗಲು ಇರಳು ನೀರನು ಹಾಯಿಸಿ
ಬೆಳೆಯನು ಜೋಪಾನ ಮಾಡುವೆನು|

ಚುಕ್ಕಿ ಚುಕ್ಕಿ ಮಿನಗು ಚುಕ್ಕಿ
ಬಾನಿನ ತುಂಬಾ ಹೊಳೆಯುವ ಚುಕ್ಕಿ|
ಹಕ್ಕಿ ಪಿಕ್ಕಿ ರೆಕ್ಕೆ ಬಿಚ್ಚಿ
ಹಾರುವ ಗಗನಕೆ ಸೇರಲು ಚುಕ್ಕಿ||೧||
ಬಣ್ಣದ ಚಿಟ್ಟೆ ಹಾರುವ ತಟ್ಟೆ
ದೇವರೆ ಬರೆದನು ರೆಕ್ಕೆಗೆ ಪಟ್ಟೆ|
ನಡೆಯೆ ಉಟ್ಟು ನವಿಲು ದಟ್ಟೆ
ನೀಲಿಯ ಲೋಕಕೆ ಕಳೆಯನು ಕಟ್ಟೆ||೨||